உண்ணிக் கொக்கு | Cattle Egret | Bubulcus ibis

நம் வீட்டுக்குப் பின்னுள்ள புல்வெளியில், முன்பு நிறையப் பறவைகள் வந்தமரும். சிறு வேடந்தாங்கலாகவே இது இருந்தது. இப்போது சற்றுக் குறைவு எனினும் அவ்வப்போது சிற்சில வருவதுண்டு. இன்று காலை, மூன்று உண்ணிக் கொக்குகளைக் கண்டேன். மேய்ந்து கொண்டிருக்கும் மாடுகளால் புல்லிலிருந்து கிளறி விடப்படும் பூச்சிகளை உண்ணும் கொக்கு என்பதால் இது உண்ணிக் கொக்கு எனப்படுகிறது. எருமையின் மீது அமர்ந்து எதையோ கொத்திக் கொத்தித் தின்றது. ஒரு முறை, வாயை அகலத் திறந்து சிரித்தது.