Singapore Underwater World - An amazing Tour

சிங்கப்பூரின் செந்தோசாத் தீவில், அண்டர்வாட்டர் வேர்ல்டு என்ற நீர்வாழ் உயிரினக் காட்சியகம் இருந்தது. இதன் உள்ளே, அக்ரிலிக் என்ற நெகிழியால் ஆன, நீரடிச் சுரங்கம் இருந்தது. இந்தச் சுரங்கத்தின் வழியே நீர்வாழ் உயிரினங்களை மிக நெருக்கமாகக் கண்டு மகிழ முடிந்தது. 1991ஆம் ஆண்டு திறக்கப்பட்ட இது, 2016ஆம் ஆண்டு மூடப்பட்டது. 25 ஆண்டுகளில் பல்லாயிரம் பார்வையாளர்களை ஈர்த்தது. 2002 காலக்கட்டத்தில் சிங்கப்பூரில் வசித்தபோது ஹேமமாலினி இந்தக் காணொலியை எடுத்தார். இதைப் பார்க்கும்போது, ஆழ்கடலில் விழிவிரியப் பார்த்துக்கொண்டே நாம் நடந்து வரும் உணர்வைப் பெறுகிறோம். சின்னஞ்சிறியதும் பென்னம்பெரியதுமாக, விதவிதமான நீர்வாழ் உயிரினங்கள், நம் தலைக்கு மேலும் நாலாபுறத்திலும் வலம் வருவது, அரிய ஓர் அனுபவம்.