கரிச்சான் | இரட்டைவால் குருவி | Drongo

இன்று மாலை வானம் மப்பும் மந்தாரமுமாய் இருந்தது. எங்கள் வீட்டுக் கொய்யா மரத்தில் இரண்டு காக்கைகளும் அவற்றின் நேரெதிரே குயில்போல் இரு கருநிறப் பறவைகளும் உட்கார்ந்திருந்தன. காக்கைக்கு எதிரே உட்காரும் அளவுக்குக் குயிலுக்குத் துணிச்சல் வந்துவிட்டதா எனப் பார்த்தால், அவை இரண்டும் கரிச்சான் குருவிகள். இரட்டைவால் குருவி என்றும் அழைப்பார்கள். இந்தப் பதிவில் ஒரு கரிச்சானையும் அது மெல்லிய குரலில் பாடுவதையும் நீங்கள் பார்க்கலாம்.