Asian Koel Call - 2

இன்று கேட்ட குயிலின் அமுத கானம், நீங்களும் கேட்டு மகிழுங்கள். யாம்பெற்ற இன்பம் பெறுக இவ்வையகம்.

Images of Singapore | History Museum | Pioneers of Singapore & Surrender...

சிங்கப்பூரின் செந்தோசாத் தீவில், சிங்கப்பூரின் வரலாற்று அருங்காட்சியகம் அமைந்துள்ளது. இதில் சிங்கப்பூரின் மொத்த வரலாறும் அருமையாகச் சித்திரிக்கப்பட்டுள்ளது. தொடக்கக் காலத்தில், மலேசிய ஆட்சியில், ஆங்கிலேயர் ஆட்சியில், ஜப்பானிய ஆதிக்கத்தில், விடுதலைக்குப் பிறகு பிரதமர் லீ குவான் யூ ஆட்சியில் சிங்கப்பூர் எப்படியெல்லாம் இருந்தது என்பதை நேரடியாகக் காணும் வகையில் தனித் தனி உள்ளரங்க வடிவமைப்புடன் அமைத்துள்ளார்கள். புகைப்படங்களை மாதிரியாகக் கொண்டு அதே போல் தத்ரூபமாகச் சிலைகளையும் உள்ளரங்கத்தையும் ஒளி ஒலி அமைப்புகளையும் செய்துள்ளார்கள். சில இடங்களில் சிலைகள் அசைகின்றன, பேசுகின்றன. வரலாற்றுக் காலத்திற்கே நம்மை அழைத்துச் செல்வதில் இவை வெற்றி பெற்றுள்ளன. இந்த அபாரமான அருங்காட்சியகத்தைக் கண்டு மகிழுங்கள்.

படப்பதிவு - ஹேமமாலினி லோகநாதன்

பக்கச் சுவரில் பொன்முதுகு மரங்கொத்தி | Black-rumped Flameback on Sidewall

செங்குத்தான மரத்தில் பக்கவாட்டைப் பற்றி எளிதில் அமரும் பொன்முதுகு மரங்கொத்தி, அதே போல் ஒரு சுவரில் பக்கவாட்டைப் பற்றி அமருகின்றது. அத்துடன் பக்கவாட்டிலேயே நகருகின்றது. இந்த அரிய காட்சியைப் பாருங்கள்.

தாரிகாவின் ஓவியங்கள் - ஒரு மதிப்பீடு

சென்னையில் ஐந்தாம் வகுப்புப் படிக்கும் தாரிகாவின் ஓவியங்களை ஓவியர் நாமக்கல் பாலமூர்த்தி மதிப்பிடுகிறார். உங்கள் வீட்டுப் பிள்ளைகளின் ஓவியங்களையும் மதிப்பீடு செய்ய வேண்டுமா? அவர்களின் ஓவியங்களை annakannan@yahoo.co.in என்ற முகவரிக்கு அனுப்புங்கள். வாட்ஸாப் - 91-9841120975.

ஜெயந்தி சங்கரின் வீணையிசை - 1

ஜெயந்தி சங்கரின் வீணையிசை - 1

எழுத்தாளர், மொழிபெயர்ப்பாளர், ஓவியர் எனப் பன்முகத் திறமை படைத்த ஜெயந்தி சங்கர், வீணை வாசிக்கவும் கற்றுள்ளார். புகழ்பெற்ற காரைக்குடி சகோதரர்களின் பெண்வயிற்றுப் பெயர்த்தியான வீணை விதூஷி, காரைக்குடி ஜெயலஷ்மி சுகுமார் அவர்களிடம் சிங்கப்பூரில் 2010-2013 காலக்கட்டத்தில் வீணையிசை பயின்றார். கஜானனயுதம் என்ற இந்தப் பாடலை 2010-11ஆம் ஆண்டில் வாசித்தார். "என் வாசிப்பில், இனிமையாக, சரியாக இருப்பவை என் மதிப்பிற்குரிய ஆசிரியரின் ஆசிகள். அந்தப் பெருமை அவரையே சேரும். அல்லாதன எல்லாம் என்னைச் சேரும். அதற்காக அவரிடமும் கேட்பவர்களிடமும் மன்னிப்புக் கேட்டுக்கொள்கிறேன்” என்கிறார் ஜெயந்தி சங்கர்.

இந்த இன்னிசையைக் கேட்டு மகிழுங்கள். உங்கள் கருத்துகளைப் பகிருங்கள்.

நட்சத்திர வெண்டை | ஸ்டார் வெண்டை | Star Vendai | Star of David Okra

நம் வீட்டுத் தோட்டத்தில் விளைந்துள்ள நட்சத்திர வெண்டையை (ஸ்டார் வெண்டை) இன்று அறுவடை செய்தோம். அதன் உள்ளே எப்படி இருக்கிறது என்று பாருங்கள்.

கமலா வல்லப கோவிந்தா | Kamala Vallaba Gopala | கிருஷ்ணகுமார் | ஷ்ரேயா குமார்

'கமலா வல்லப கோவிந்தா' என்ற புகழ்பெற்ற பாடலை, கான பிரம்மம் கிருஷ்ணகுமார், ஷ்ரேயா குமார் குரலில் கேளுங்கள்.

மின்கம்பியில் ஒரு தவிட்டுக் குருவி | Yellow-billed babbler in Electric line

பறவைகளுக்கு மின்கம்பிகளின் மீது அமர்ந்து ஊஞ்சலாடுவது, பிடித்தமான ஒரு விளையாட்டு. இதனால் எல்லாம் மின்தடை ஏற்படுமா என்று தெரியவில்லை. இதோ மின்கம்பியில் ஒரு தவிட்டுக் குருவி.

மின்கம்பத்தில் அணில் | Squirrel on Electric Post

மின் தடைக்கு அணிலும் ஒரு காரணம் என அமைச்சர் செந்தில் பாலாஜி கூறியது, சர்ச்சையை ஏற்படுத்தியுள்ளது. மின்கம்பத்தில் அணில் தாவி விளையாடும் காட்சியை இங்கே நீங்கள் காணலாம்.

Asian Koel Call

இந்தக் குயில் என்ன உணர்வுடன் கூவுகிறது என்று சொல்ல முடியுமா?

ஹர்ஷினி பிரசன்னா ஓவியங்கள் - ஒரு மதிப்பீடு

சென்னையில் பன்னிரண்டாம் வகுப்புப் படிக்கும் ஹர்ஷினி பிரசன்னாவின் ஓவியங்களை ஓவியர் நாமக்கல் பாலமூர்த்தி மதிப்பிடுகிறார். உங்கள் வீட்டுப் பிள்ளைகளின் ஓவியங்களையும் மதிப்பீடு செய்ய வேண்டுமா? அவர்களின் ஓவியங்களை annakannan@yahoo.co.in என்ற முகவரிக்கு அனுப்புங்கள். வாட்ஸாப் - 91-9841120975.

கம்புள்கோழியும் ஆள்காட்டியும் | Waterhen and Lapwing

ஒரே காட்சியில் கம்புள்கோழியையும் சிவப்புமூக்கு ஆள்காட்டியையும் காணுங்கள்.

Asian Koel Female in Close-up | பெண்குயில் மிக மிக அருகில்

இதற்கு முன் இவ்வளவு நெருக்கத்தில் ஒரு பெண்குயிலைப் பார்த்ததில்லை. நம் ஜன்னலோரம் அமர்ந்து கருவேப்பிலைப் பழங்களைக் கவ்வி உண்ணும் காட்சியை அணுக்கமாக, நுணுக்கமாகப் பார்க்க, ஓர் அரிய வாய்ப்பு.

ஐஷ்வர்யாவின் ஓவியங்கள் - ஒரு மதிப்பீடு

சென்னையில் ஆறாம் வகுப்புப் படிக்கும் எஸ்.ஐஷ்வர்யாவின் ஓவியங்களை ஓவியர் நாமக்கல் பாலமூர்த்தி மதிப்பிடுகிறார். உங்கள் வீட்டுப் பிள்ளைகளின் ஓவியங்களையும் மதிப்பீடு செய்ய வேண்டுமா? அவர்களின் ஓவியங்களை annakannan@yahoo.co.in என்ற முகவரிக்கு அனுப்புங்கள். வாட்ஸாப் - 91-9841120975.

வானத்தின் மீது மயிலாடக் கண்டேன் | வள்ளலார் | கிருஷ்ணகுமார்

அருட்பெருஞ்சோதி தனிப்பெருங்கருணை என்ற அமுத வாசகத்தை அருளிய வடலூர் வள்ளல் பெருமான், இராமலிங்க அடிகள் இயற்றிய 'வானத்தின் மீது மயிலாடக் கண்டேன்' என்ற வானளாவிய புகழ்பெற்ற பாடலை, கான பிரம்மம் கிருஷ்ணகுமார் குரலில் கேளுங்கள்.

பெண்குயிலுக்கு வேப்பம்பழம் ஊட்டிவிடும் ஆண்குயில்

ஆண்குயில் வேப்பம்பழத்தைக் கவ்விக்கொண்டு வந்து பெண்குயிலுக்கு ஊட்டிவிடும் அரிய காட்சி இதோ. இதில் இன்னொரு புதுமை என்னவென்றால், ஆண்குயில் வாயிலிருந்து பெண்குயில் தானாகவே எடுத்து உண்பதும் அது எடுத்துக்கொள்வதற்காகவே ஆண்குயில் வாயில் வைத்துக் காத்திருப்பதும் காவியக் காதலின் ஒரு சொட்டு. கண்டு மகிழுங்கள்.

இரண்டு கம்புள்கோழிகள் குளிக்கின்றன - 2 | Two Waterhens Taking Bath - 2

இன்று மாலை பெய்த மழையைத் தொடர்ந்து, இரண்டு கம்புள்கோழிகள் ஒரே நேரத்தில் போட்ட ஆனந்தக் குளியல். இதைப் பார்த்தால், உங்களுக்கும் உற்சாகம் தொற்றிக்கொள்ளும்.

Asian Koel | Black Koel | கருங்குயில் | Close-up

குயிலை மிக அருகில் பாருங்கள்.

அந்திமந்தாரை | Mirabilis Jalapa | Marvel of Peru

நம் வீட்டுத் தோட்டத்தில் ஒரே நாளில், நான்கு நிறங்களில் அந்திமந்தாரை பூத்துள்ளது. அந்தியில் மலர்ந்து காலையில் மூடிக்கொள்வதால், இது அந்திமந்தாரை எனப் பெயர் பெற்றுள்ளது. இதுவே பெருவின் அதிசயம் ((Marvel of Peru ) என்றும், நான்கு மணித்தாவரம் ( Four O’ Clock Plant), நாலு மணிப்பூ அல்லது அஞ்சு மணிப்பூ என்றும் அழைக்கப்படுகிறது. இதன் தாவரவியல் பெயர், மிராபிலிஸ் ஜலாபா (Mirabilis Jalapa). ‘மிராபிலிஜஸ்’ என்ற இலத்தீன் சொல்லுக்கு ‘அற்புதமான’ என்று பொருள். இந்த அற்புத மலரைக் கண்டு மகிழுங்கள்.

ஸ்ரீநிதியின் ஓவியங்கள் - ஒரு மதிப்பீடு

சென்னையில் ஒன்பதாம் வகுப்புப் படிக்கும் கே.எஸ்.ஸ்ரீநிதியின் ஓவியங்களை ஓவியர் நாமக்கல் பாலமூர்த்தி மதிப்பிடுகிறார். உங்கள் வீட்டுப் பிள்ளைகளின் ஓவியங்களையும் மதிப்பீடு செய்ய வேண்டுமா? அவர்களின் ஓவியங்களை annakannan@yahoo.co.in என்ற முகவரிக்கு அனுப்புங்கள். வாட்ஸாப் - 9841120975.

காக்கைச் சிறகினிலே நந்தலாலா | பாரதியார் | கிருஷ்ணகுமார்

மகாகவி பாரதியாரின் 'காக்கைச் சிறகினிலே நந்தலாலா' என்ற அற்புதமான பாடலை, கான பிரம்மம் கிருஷ்ணகுமார் குரலில் கேட்டு மகிழுங்கள்.

மயில் மாணிக்கம் மலர்கள் | Mayil Manickam | Ipomoea Quamoclit

இந்த மலர்களைப் பார்த்தால், உங்களுக்கு மகிழ்ச்சி கிட்டும். டும் டும் டும்.

வால்காக்கையின் குரல் | Voice of Rufous Treepie | Dendrocitta Vagabunda

வால்காக்கை, கோகீ கோகீ எனக் குரல் கொடுக்கும்போதே படம் எடுக்க விரும்பினேன். அது ஒருவாறாக நிறைவேறியது. ஆனால் என்ன, வால்காக்கையைப் பின்புறத்திலிருந்தே படம் எடுக்க முடிந்தது. 

Asian Koel Singing - 14 | குயிலின் அமுத கானம் - 14

இன்று காலை, குயில் அருளிய அமுத கானம்

கருவேப்பிலைப் பழம் | Curry Tree Fruit | Karuveppilai | Murraya Koenigii

கருவேப்பிலையைச் சமையலில் சேர்க்கின்றோம். அதன் சுவை என்னவென்று நமக்குத் தெரியும். ஆனால், கருவேப்பிலைப் பழத்தைப் பார்த்திருக்கிறீர்களா? அதன் சுவை எப்படி இருக்கும் என்று தெரியுமா? நம்ம வீட்டுக் கருவேப்பிலை மரத்திலிருந்து இன்று பெற்ற அனுபவம், இதோ.

படப்பதிவு - ஹேமமாலினி லோகநாதன்

Innocent Piglets | பன்றிக் குட்டிகள்

பறவைக் குரலுக்குப் பயந்து, தெறித்து ஓடும் அப்பாவிப் பன்றிக் குட்டிகள். 

#Shorts: Mike in Watch?

இந்த மாம்பழ வியாபாரி, கைக்கடிகாரத்தில் ஒலிபெருக்கி (மைக்) வைத்திருக்கிறாரா, என்ன?

பச்சைச் சூரியன் | Green Sun

இன்று மாலை சென்னையில் பலத்த காற்றுக்கு நடுவே பச்சைச் சூரியனைத் தரிசித்தேன். இந்த அரிய காட்சியைக் கண்டு மகிழுங்கள்.

சூரியக் குருவி | Yellow-billed Babbler over Sun

இன்றைய அந்திச் சூரியன் முன்னே ஒரு தவிட்டுக் குருவி.

காக்கை என்ன சாப்பிடுகிறது?

இந்தக் காக்கை என்ன சாப்பிடுகிறது? பார்த்துச் சொல்லுங்கள்.

அரசமரக் கன்றும் நவதானிய விநாயகரும்

பறவை எச்சத்தில் முளைத்த அரசமரக் கன்றை எடுத்துவந்து, அதனடியில் நவதானிய விநாயகரைப் பிரதிஷ்டை செய்து பூஜை செய்கிறார், நாமக்கல் பாலமூர்த்தி. விநாயகருக்கு இருபுறமும் நாகர் சிலைகளுக்குப் பதிலாக, மரூள் தாவரத்தை நட்டுள்ளார். ஊரடங்கின் காரணமாக, கோவிலுக்குச் செல்ல முடியாத நிலையில், வீட்டுத் தோட்டத்திலேயே இயற்கையாக ஒரு கோவிலை எழுப்பியுள்ளார். இந்தப் புதிய முயற்சியைப் பாருங்கள், பகிருங்கள்.

இரண்டு கம்புள்கோழிகள் குளிக்கின்றன | Two Waterhens Taking Bath

இரண்டு கம்புள்கோழிகள் இன்று மாலை ஒரே நேரத்தில் முங்கி முங்கிக் குளித்த அழகிய காட்சி, இங்கே.

ஆண்குயில் - பெண்குயில் - காதல் | Asian Koel Male and Female in Romance

ஆண்குயிலையும் பெண்குயிலையும் ஒன்றாகப் பார்ப்பதே அரிது. அதிலும் அவை காதலிப்பதைப் பார்ப்பது இன்னும் அரிது. இதோ, இங்கே ஒரு பெண்குயிலை ஆண்குயில் எப்படி நெருங்குகிறது என்று பாருங்கள். இந்த நேரத்தில் ஆண்குயிலின் குரல் எப்படிக் குழைகிறது என்று கேளுங்கள்.

மனம் எனும் மேடையில் | தபோவனம் ஸ்ரீ ஞானானந்த கிரி | கிருஷ்ணகுமார்

தபோவனம் ஸ்ரீ ஞானானந்த கிரி சுவாமிகளைப் பற்றிய 'மனம் எனும் மேடையில் ஆடுகின்றான்' என்ற பாடலை, கான பிரம்மம் கிருஷ்ணகுமார் குரலில் கேளுங்கள்.

Voice of Tailorbird | தையல் சிட்டின் குரல்

Enjoy the voice of Tailorbird.

தையல் சிட்டின் குரலைக் கேளுங்கள்.

சிறகுலர்த்தும் கரிச்சான் | Black Drongo

மழையில் நனைந்த கரிச்சான் குருவி, மின்கம்பியில் அமர்ந்து தன் சிறகுகளை உதறி உலர்த்துகிறது.

#Shorts: London Natural History Museum

இலண்டனில் உள்ள இயற்கை வரலாற்று அருங்காட்சியகத்தின் உள்ளே ஓர் உலா.

படப்பதிவு - நவ்யா

சென்னையில் இடி, மின்னல் | Thunder and Lightning in Chennai

முந்தாநாள் (2021 ஜூன் 7, திங்கட்கிழமை அன்று) இரவு 10.45 மணி முதல் 12 மணி வரை சென்னையில் பயங்கரமான இடி, மின்னலுடன் கனமழை பெய்தது. நீளமான இடியும் மின்னலும் தொடர்ச்சியாக ஒரு மணி நேரத்துக்கும் மேல் நீடித்தன. உச்சியை உலுக்கி, கிடுகிடுக்க வைக்கும் அந்த அசாதாரண நிகழ்வின் ஒரு பகுதி இங்குள்ளது. படக்கருவியை வான்நோக்கிப் பிடித்து, தரையைப் பார்த்தபடி இந்தக் காட்சிகள் பலவற்றையும் படம்பிடித்தேன். இதோ, நீங்களும் அந்த மெய்சிலிர்க்கும் அனுபவத்தைப் பெறுங்கள்.

இயற்கை வழியில் நான் கண்ட தீர்வுகள் - Roots Organics தீபிகா

எந்திரப் பொறியாளரான தீபிகாவுக்கு வெளியூரில் சென்று வேலை செய்யத் தொடங்கியதும் முடி உதிர்வுச் சிக்கல் ஏற்பட்டது. கோலம் போடும்போது கையில் தோல் உரிந்தது.  சித்த மருத்துவரான தம் தந்தையின் உதவியுடன், தாயின் ஆலோசனைகளுடன் தனக்கான இயற்கைவழிப் பொருள்களை உருவாக்கத் தொடங்கினார். நல்ல பலன் கிடைத்தது. நெருங்கிய தோழிகளின் சிக்கல்களுக்கும்  இதே போல் தீர்வு கண்டார். 

எங்களுக்கும் கிடைக்குமா எனப் பலரும் கேட்டதால், ரூட்ஸ் ஆர்கானிக்ஸ் என்ற நிறுவனத்தைத் தொடங்கினார். இதன் வழியே நலங்கு மாவு, சிகைக்காய் மாவு, முடி உதிர்வைத் தடுக்கும் தைலம், வழுக்கையைப் போக்கும் தைலம், நரைமுடியை மாற்றும் தைலம், கண் மை, உதட்டுப் பூச்சு, பாத்திரம் தேய்க்கும் தூள், பற்பொடி, கோலப் பொடி, ஹோலிப் பண்டிகைக்கான வண்ணப் பொடி... எனப் பலவற்றை இயற்கை முறையில் உருவாக்கி விற்பனை செய்து வருகிறார். 

தான் உற்பத்தி செய்வதை, தான் பயன்படுத்திப் பார்த்து, தானே பரிசோதித்துப் பார்த்து, அதன் பிறகே மற்றவர்களுக்கு வழங்குகிறார். தனது வெற்றிப் பயணத்தை இங்கே நம்முடன் பகிர்ந்துகொள்கிறார்.

#Shorts: Greater Painted - Snipe | மயில் உள்ளான்

குளியல் போடும் மயில் உள்ளான்.

திருக்குறள் படிப்பது தண்டனையா?

குற்றவாளிகள், திருக்குறளைப் படிக்க வேண்டும் என்பதைக் காவலர்களும் நீதிபதிகளும் ஒரு நல்ல நோக்கில் சொல்கிறார்கள். 

ஆனால், ஒரு தண்டனையாகத் திருக்குறளைப் படிக்க வைப்பது, திருக்குறளின் மீது வெறுப்பினை உண்டாக்கும் வாய்ப்பு உண்டு. 

தொண்டு இல்லத்தில் சமூக சேவை செய்யச் சொல்வதற்கும் இது பொருந்தும்.

இரண்டு ஆள்காட்டிப் பறவைகள் | A Pair of Lapwings

இன்று மதியம் இரண்டு சிவப்புமூக்கு ஆள்காட்டிப் பறவைகளை (Red Wattled Lapwings) ஜோடியாகப் பார்த்தேன். அதுவும் காதல் உணர்வுடன் ஒன்றை மற்றொன்று பின்தொடர்ந்தது. ஆண்பறவை நெருங்கி நெருங்கி வர, பெண்பறவை தள்ளித் தள்ளிச் செல்ல, இந்தக் காதல் நாடகத்தைக் கண்டு களியுங்கள்.

நம்ம வீட்டுச் செம்பருத்தி | Hibiscus at our garden

நம்ம வீட்டுச் செம்பருத்தி

நித்திலாவின் வானவில் | Rainbow of Nithila

இன்று மாலை மயங்கிய வேளையில், மொட்டை மாடியில் நித்திலாவும் ஹரி நாராயணனும் தரையில் வரைந்துகொண்டிருந்தனர். அவர்களுக்குத் தெரியாமல், அதை மேலேயிருந்து நான் படம் பிடித்தேன். மண்ணில் தெரியுது வானம் என்றான் பாரதி. இதோ தரையில் தெரியுது வானவில்.

மாம்பழ வியாபாரிகள் | Mango Sellers

இது மாம்பழப் பருவம் என்பதால், மாம்பழ விற்பனை களை கட்டியிருக்கிறது. ஆட்டோ, மூன்று சக்கர வண்டி, வேன் எனப் பல வாகனங்களிலும் பல வகை மாம்பழங்கள் விற்பனைக்கு வருகின்றன. நம் தெருவுக்கு அண்மையில் வந்த மாம்பழ வியாபாரிகளையும் அவர்கள் 'வாங்கம்மா வாங்க', 'பழம்மா பழம்' எனக் கூவி விற்கும் முறைகளையும் இந்தப் பதிவில் பாருங்கள். மாம்பழ விலை என்ன தெரியுமா?

Two Kingfishers | இரண்டு மீன்கொத்திகள்

இரண்டு மீன்கொத்திகள் அருகருகே அமர்ந்து, சிறகுகளை விரித்து, குரலெழுப்பிப் பேசுவதைப் பார்த்திருக்கிறீர்களா? ஆம், இதில் மீன்கொத்தியின் குரலையும் நீங்கள் கேட்கலாம். ஜூன் 5, உலகச் சுற்றுச் சூழல் தினத்தில் இந்தக் காட்சியைக் கண்டு மகிழுங்கள்.

Group Dance of Mayil Manickam

ஜூன் 5, உலகச் சுற்றுச் சூழல் தினம். ஒரு கொடியில் பூத்த மயில் மாணிக்க மலர்களின் குழு நடனத்தை இன்று கண்டுகளியுங்கள். மாடியில் கைப்பிடிச் சுவர் மீது ஏறி நின்று எடுத்த படம்.

A Pair of Red vented Bulbuls | இரண்டு சின்னான் குருவிகள்

ஜூன் 5, உலகச் சுற்றுச் சூழல் தினமாகக் கொண்டாடப்படுகிறது. இந்நாளில், இந்தச் சின்னான் ஜோடிக் குருவிகளைப் பாருங்கள்.

Voice of Asian Koel - Female | பெண்குயிலின் குரல்

பெண்குயில் கூவும்போது படம் பிடிக்க வேண்டும் என்று கடந்த ஒன்றரை ஆண்டாகக் காத்திருந்தேன். இன்றுதான் அது நிறைவேறியது. இந்த அரிய காட்சியைப் பார்த்து மகிழுங்கள்.

#Shorts: Dance of Mayil Manickam

பஞ்சமுகக் குத்துவிளக்கைப் போல் இருக்கும் இந்த மயில் மாணிக்கம், இன்று ஆடிய நடனத்தைப் பாருங்கள்.

மயில் மாணிக்கம் | Pink Mayil Manickam | Ipomoea quamoclit

நம் வீட்டுத் தோட்டத்தில் இளஞ்சிவப்பு (பிங்க்) நிற மயில் மாணிக்கம் பளீரெனப் பூத்துச் சிரிக்கிறது. பார்த்து மகிழுங்கள்.

Asian Koel Female - Close-up

இன்று நம் ஜன்னலோரக் கருவேப்பிலை மரத்தில் அமர்ந்த ஒரு பெண்குயில், கருவேப்பிலைக் காயைக் கடித்துத் தின்றது. அதை மிக நெருக்கத்தில் படம் பிடிக்கும் வாய்ப்பு எனக்கு அமைந்தது. இந்த அரிய காட்சியைப் பார்த்து மகிழுங்கள்.

லலிதா நவரத்தின மாலை | Lalitha Navarathna Mala

லலிதா நவரத்தின மாலை, அகத்திய மாமுனிவர் அருளியது. இதில் அகத்தியர், அம்பாளை நவரத்தினங்களாக வர்ணித்துப் போற்றுகின்றார். இந்த எளிய தமிழ்ப் பாடல், பக்திச் செறிவும் அருட்பிழிவும் மிக்கது. ஸ்ரீ லலிதா சஹஸ்ரநாமத்துக்கு இணையாகக் கருதப் பெறுகின்றது. சக்தி வாய்ந்த இந்தப் பாடலைப் பாடுவோருக்கும் கேட்போருக்கும் சகல நன்மைகளும் கிட்டும். இந்தப் பேரிடர் காலத்தில் இதைப் பாடியும் கேட்டும் பயன் பெறுங்கள். 

பாடியோர்: கிருஷ்ணகுமார் & ஷ்ரேயா குமார்

கலைஞர் பற்றி ஜெயகாந்தன் - சுகதேவ் நேர்காணல் | Sugadev Interviews Jayakanthan

கலைஞர் பிறந்த நாளான இன்று, கலைஞர் குறித்து ஜெயகாந்தன் சொல்வதைக் கேளுங்கள். உடன் உரையாடுபவர், மூத்த பத்திரிகையாளர் சுகதேவ்.

#Shorts: Voice of Loten's Sunbird

பேரலகுத் தேன்சிட்டின் (Loten's Sunbird) குரலைக் கேட்டிருக்கிறீர்களா?

நம்ம வீட்டு மாங்காய் அறுவடை | Mango Harvest

நம்ம வீட்டுத் தோட்டத்தில் இன்று மாங்காய் அறுவடை!

குட்டி குட்டி பசி எடுத்தால் - ஓவியர் ஸ்யாம் உற்சாக உரையாடல் - 15

நம்மில் பலருக்கும் அவ்வப்போது குட்டி குட்டி பசி எடுக்கும். சிலருக்குக் காலையில் எழுந்தவுடனே பசி, வயிற்றைக் கிள்ளும். சிலருக்குக் குளித்தவுடன் வயிறு பரபரக்கும். சிலருக்குச் சாப்பிட்ட உடனே மீண்டும் பசிக்கும். சிலருக்கு வேலை செய்தால் கபகபவெனப் பசிக்கும். சிலருக்கு ஓய்வெடுத்தாலே பசிக்கும். இந்த ஊரடங்கில் இஷ்டத்திற்கு வெளியில் சென்று, வாங்கிச் சாப்பிட முடியாது. இந்நிலையில் வீட்டில் இருக்கும் பண்டங்களைக் கொண்டே சுவையான, ஆரோக்கியமான உணவை எளிதில் தயாரிப்பது எப்படி? இதோ ஏராளமான குறிப்புகளை அள்ளித் தருகிறார், ஓவியர் ஸ்யாம். பார்த்துப் பயன்பெறுங்கள். உங்கள் அன்பர்களுக்கும் நண்பர்களுக்கும் பகிருங்கள்.