கோவையிலிருந்து வெள்ளியங்கிரி அடிவாரம் வரைக்கும் அண்மையில் நாங்கள் சென்றபோது, வழியெங்கும் அருமையான இயற்கைக் காட்சிகளைக் கண்டு ரசித்தோம். தென்னந்தோப்புகள், வாழைத் தோப்புகள், பாக்குத் தோப்புகள், நெல் வயல்கள், திராட்சைத் தோட்டங்கள், மஞ்சள், சோளம், காலிபிளவர்.... என விதவிதமான பயிர்கள் விளைந்து நிற்கக் கண்டோம். கூடவே புதுப் பொலிவுடன் காட்சி தரும் கோவில்கள், கல்லூரிகள், சாலைகள், பழைமை மாறாத வீடுகள், கடைகள் எனப் பலவும் கண்ணுக்கு விருந்து. கொங்கு மண்ணின் கொஞ்சும் அழகைப் பாருங்கள். எங்கள் பயணக் காட்சிகளின் தொகுப்பு இங்கே.
ஒரு எட்டு நட, ஒரு எட்டு போயிட்டு வா என முன்னோர் சொல்லக் கேட்டிருப்போம். அதற்கு 8 என்றும் பொருள் கொள்ளலாம். 8 வடிவத்தில் நடப்பது உடல் முழுவதற்கும் நன்மை பயக்கும். கோவையில் இன்று காலையில் நானும் என் மச்சினர் சத்தியநாராயணனும் 8 வடிவத்தில் நடைப்பயிற்சி மேற்கொண்டோம். நீங்களும் நடந்து பாருங்கள்.
கோவை ஈஷா யோகா வளாகத்திற்கு நேற்று சென்றோம். முன்னிரவு நேரத்தில் அங்கு லேசர் ஒளிக்காட்சி நடைபெற்றது. லேசர் விளக்கொளியில் ஆதியோகி சிலை உயிர்பெற்று எழுந்தது. விதவிதமான தோற்றங்களில், ஒளிக் கோலங்களில், இப்படியெல்லாம் கூடக் காட்ட முடியுமா என வியக்கும் வகையில் ஒரு வர்ண ஜாலத்தை நிகழ்த்திக் காட்டினார்கள். இதோ அந்தக் காட்சிகள்.
கோவையில் கண்ட வாழைப்பழ வியாபாரி. வாழைப்பழம் என ஒரே வார்த்தையில் குரலெழுப்புவது சரியா? அல்லது இவர் சொல்வது போல் எல்லா வகைகளையும் சொல்வது சரியா? நீங்கள் என்ன நினைக்கிறீர்கள்?
வரி வாலாட்டிக் குருவி (White-browed wagtail) அல்லது வெண்புருவ வாலாட்டி என்பது இந்தியாவில் காணப்படும் ஒரே ஓர் இடம்பெயரா வாலாட்டிக் குருவி. இதன் உடலின் மேலே கருப்பு மற்றும் கீழே வெள்ளையுடன், வெள்ளைப் புருவமும் கொண்டது. இது தனது நீண்ட வாலிறகைத் தொடர்ந்து ஆட்டும் பண்பினைக் கொண்டது. நீண்ட தூரங்களுக்கு மிக வேகமாகப் பறக்கும். மணிக்கு 40 கி. மீ. வேகத்தில் பயணிக்கும்.
இந்தியாவில் பண்டைய காலங்களில், இந்தச் சிற்றினம் கூண்டுப் பறவையாக வளர்க்கப்பட்டது. இதன் குரலுக்காகப் பாராட்டப்பட்டது. இதன் மார்பில் விஷ்ணுவின் சாலிகிராம் போன்ற தோற்றத்தைக் கொண்டிருப்பதால் இதைக் காண்பதை நல்ல சகுனமாகக் கருதினர். இந்தப் பறவை எங்கு அமர்கிறது, என்ன செய்கிறது என்பதன் மூலம் எதிர்காலம் பற்றிய பல்வேறு நம்பிக்கைகள் சரத்சந்திர மித்ராவால் ஆவணப்படுத்தப்பட்டுள்ளன. (விக்கிப்பீடியா)
பலவிதமான ஒலிக் குறிப்புகளுடன் கூடிய இதன் குரலைக் கேளுங்கள்.
தமிழக வீதிகளில் கிறிஸ்துமஸ் பண்டிகையை முன்னிட்டு வரையப்பெற்ற கோலங்கள் சிலவற்றை இங்கே கண்டுகளியுங்கள். உங்கள் பகுதியில் தென்படும் கோலங்களை எமக்குப் படம் எடுத்து அனுப்புங்கள் (annakannan@yahoo.co.in). அடுத்த பதிப்பில் வெளியிடுவோம்.
இதன் பெயர் விஷ மூங்கில் (Spider Lily). பூச்சிக் கடி, பாம்புக் கடி போன்றவற்றுக்கு மருந்தாகப் பயன்படுகிறது. அழகுக்காகவும் இதை வளர்க்கிறார்கள். இதைப் பற்றிய ஆங்கில விளக்கத்தில், நாட்டு மருந்து என்பதை folk remedy எனக் குறித்திருப்பது சரியா? பார்த்துச் சொல்லுங்கள்.
கோவை மாவட்டம், ஆழியாறு அணைப் பூங்காவில் சிறுவர் ரயில் ஒன்று ஓடுகிறது. பெரியவர்களும் உடன் செல்லலாம். மிகப் பழைய ரயில். உட்காரும் இருக்கை உள்பட, முழுவதும் இரும்பினால் ஆனது. சற்று தடதடவென்று செல்லும். தலா ரூ.30 கட்டணத்திற்கு எத்தனை ரவுண்டு அடிக்கிறார்கள் என்று பாருங்கள்.
தேசிய விவசாயிகள் தினமாகிய இன்று, நம் மாடித் தோட்டத்து அறுவடையைப் பாருங்கள். தம்பட்டை அவரை, மூக்குத்தி அவரை, நட்சத்திர வெண்டை உள்ளிட்டவற்றைப் பறிக்கும் காட்சிகள், இதோ உங்களுக்காக.
நிறைய இரட்டைவால் குருவிகளைப் பார்த்திருக்கிறேன். கால்நடைகள் மீது அமர்ந்து வந்ததைப் பார்த்த நினைவு இல்லை என நண்பர் ஐயப்பன் கிருஷ்ணன், நோக்கர் (Facebook) உரையாடல் ஒன்றில் கூறியிருந்தார். இதோ, எருமையின் மீது இரட்டைவால் குருவி அமர்ந்து வருவதைப் பாருங்கள்.
ஆழியாறு அணைப் பூங்காவில் சிறுவர்கள் தாங்களாகவே படகு ஓட்டும் வகையில் ஒரு வாய்ப்பினை வழங்குகிறார்கள். ஒருவருக்கு ரூ.40 மட்டுமே கட்டணம். நித்திலாவின் உற்சாகமான படகு சவாரி இங்கே.
கவியருவியில் முதலில் கண்டது இந்த மயிலைத்தான். கோவை மாவட்டம், கவியருவியின் சாலையோரத்தில் அச்சமின்றி இரைதேடிக்கொண்டு இருந்தது. வாகனங்களின் இரைச்சலை இது கண்டுகொள்ளவே இல்லை. இது என் இடம் என்ற உரிமையுடன், சுதந்திரத்துடன் சுற்றி வந்தது. இந்தச் சுதந்திரம், இதன் அழகை இன்னும் ஒரு படி கூட்டிவிட்டது. இந்தக் கான மயிலைக் கண்டு மகிழுங்கள்.
இன்று கணித மேதை ராமானுஜனின் 134ஆவது பிறந்த நாள். 32 ஆண்டுகளே வாழ்ந்த ராமானுஜன், மறைந்து 100 ஆண்டுகள் கடந்த பிறகும், கணித உலகில் பெரும் தாக்கத்தை ஏற்படுத்துபவராக இருக்கிறார். இவரது பிறந்த நாளை இந்தியாவின் கணித நாளாகக் கொண்டாடுகிறோம். கும்பகோணத்தில் உள்ள, இராமானுஜனின் நினைவு இல்லத்தைக் கடந்த ஆண்டு ஆவணப்படுத்தினேன். அவரது அறையும் பயன்படுத்திய கட்டிலும் பார்த்துக்கொண்டிருந்த ஜன்னலும் அப்படியே உள்ளன. ராமானுஜன் நடமாடிய இடத்தை நீங்களும் பாருங்கள்.
கோவை மாவட்டத்தின் வால்பாறை நகராட்சியில், ஆழியாறு பகுதியை அடுத்துள்ள கவியருவி என்ற குரங்கு அருவிக்குச் சென்று குளித்து வந்தோம். எங்கள் பயணக் காட்சிகளின் தொகுப்பு இங்கே.
வெறுங்கையால் முழம் போடலாம். காற்றிலும் காவியம் தீட்டலாம். வெட்டவெளி, பொட்டல் காடு என்று வர்ணித்த இடங்கள், இன்று கோடிகளைக் குவித்து வருகின்றன. தமிழகத்தின் முக்கியமான காற்றாலை மையங்களுள் ஒன்றாக, உடுமலைப்பேட்டை திகழ்கிறது. ஆண்டு முழுவதும் காற்று வீசும் இடங்களையே இதற்குத் தேர்வு செய்கிறார்கள். ஒவ்வொரு காற்றாலையும் பல கோடிகள் செலவில் அமைக்கப்படுகின்றன. அதே போல, இவற்றிலிருந்து பல ஆண்டுகளுக்குத் தொடர்ச்சியான மின்சாரம் உற்பத்தி செய்து, லாபம் ஈட்டுகிறார்கள். பரபரப்பான சாலையை ஒட்டி அமைந்துள்ள இந்தக் காற்றாலைகளைக் கண்டு களியுங்கள்.
எழுத்தால் சமூக மாற்றத்தை உருவாக்க முடியுமா? கதையில் செய்தி ஏதும் சொல்ல வேண்டுமா? கடினமான நடையில் எழுதுவது உகந்ததா? புரிந்தால் புரிந்துகொள், புரியாவிட்டால் சொறிந்துகொள் என்று சுஜாதா சொன்னது ஏன்? நல்ல எழுத்து எப்படி இருக்க வேண்டும்? எழுத்தாளர் கே.ஜி.ஜவர்லாலின் அனுபவப் பகிர்வு இங்கே. இதில் அவர் சொல்லும் காட்சிக்கு நீங்கள் ஒரு கதை எழுதி அனுப்புங்கள். சிறந்த கதையை அவர் தேர்ந்தெடுப்பார்.
சென்னையிலிருந்து கோவைக்கு இண்டிகோ விமானத்தில் வந்து சேர்ந்தோம். ஹரி நாராயணனின் முதல் விமானப் பயணம் இது. எங்கள் பயணக் காட்சிகளின் தொகுப்பு இங்கே.
இதில் தமிழகத்தை ஒரு பறவைப் பார்வையில் நீங்கள் காணலாம். கீழே காணும் அனைத்தும் தமிழ் மண், மேலே காணும் யாவும் தமிழ் வான். தமிழகத்தின் வளங்கள், வயல்கள், ஆறுகள், காடுகள், ஆலைகள், மனைகள், வீடுகள், மக்கள் அடர்த்தி... என அனைத்தையும் ஒரே வீச்சில் கண்டு மகிழுங்கள்.
இது, உலகின் மிகப் பெரிய நீரூற்று எனக் கின்னஸ் சாதனை (1998) படைத்தது. செல்வ நீரூற்று (The Fountain of Wealth) எனப் பெயர் பெற்றது. சிங்கப்பூரின் சன்டெக் சிட்டி என்ற வணிக வளாகத்தில் அமைந்துள்ளது. நீரூற்றுடன் வண்ண விளக்குகளும் லேசர் ஒளிக் காட்சிகளும் எழுத்துகளும் அலங்கரிக்கின்றன. இந்த நிகழ்வில், நம் அன்புக்கு உரியவர்களுக்கு லேசர் செய்திகளும் வாழ்த்துகளும் விடுக்கலாம். தொழில்நுட்பத்தில் 2002ஆம் ஆண்டிலேயே சிங்கப்பூர் எந்த அளவுக்கு முன்னேறியிருந்தது என்பதை இந்தக் கோலாகலக் காட்சிகள் காட்டுகின்றன.
இதில் இன்னொரு சிறப்பும் உண்டு. ஒவ்வொரு நாளும் சில நேரங்களில் பெரிய நீரூற்றை நிறுத்திவைப்பர். அதன் மையப் பகுதியில் உள்ள சிறிய நீரூற்றை இயக்குவர். அதை மூன்று முறை சுற்றி வருபவர்களுக்கு அதிர்ஷ்டம் சேரும் என்பது நம்பிக்கை. இந்தப் பதிவின் தொடக்கத்தில், அந்தச் சிறிய நீரூற்றைப் பலரும் சுற்றி வருவதைப் பார்க்கலாம். அவர்களுடன் என் மனைவி ஹேமமாலினியும் சுற்றி வருகிறார்.
சத்தியநாராயணனின் படப்பதிவைப் பார்த்து மகிழுங்கள்.
The Fountain of Wealth (Malay: Air Pancut Kekayaan, Chinese: 财富之泉) is listed by the Guinness Book of Records in 1998 as the largest fountain in the world. It is located in one of Singapore's largest shopping malls, Suntec City.
During certain periods of the day, the fountain is turned off and visitors are invited to walk around a mini fountain at the centre of the fountain's base, three times for good luck. At night, the fountain is the setting for laser performances, as well as live song and laser message dedications between 8 pm to 9 pm daily. It is situated in such a way the fountain is the hub of the shopping mall (Wiki).
எழுத்தில் மசாலாத் தன்மை இருக்க வேண்டுமா? செக்ஸ் - போர்னோ இரண்டுக்குமான வேறுபாடு என்ன? புகழ்பெற்ற எழுத்தைக் காப்பியடித்து எழுதலாமா? அண்ணாவின் பாணியைக் கருணாநிதி காப்பியடித்தது ஏன்? ரஜினி - கமல் பாணி என்ன வித்தியாசம்? வெகுஜன எழுத்து, இலக்கியம் ஆகுமா? அதிகம் பேர் படிப்பது இலக்கியம் இல்லையா? எழுதும் கலை குறித்து, எழுத்தாளர் கே.ஜி.ஜவர்லாலின் யதார்த்தமான பதில்கள் இங்கே.
மகாகவி சுப்ரமணிய பாரதியார் இயற்றிய 'ஆன்மாவான கணபதியின்' என்ற பாடலை நாகி நாராயணன் குரலில் கேளுங்கள். இந்தப் பாடல், விநாயகர் நான்மணி மாலையில் இடம் பெற்றுள்ளது. 'யான் முன்னுரைத்தேன் கோடிமுறை. இன்னுங்கோடி முறைசொல்வேன்' என அவர் அழுத்தமாகச் சொல்வது எதை என்று கேளுங்கள். பாரதி பிறந்த நாளில் அவரைப் போற்றுவோம். அவரது வாக்கினை நெஞ்சினில் ஏந்துவோம்.
அடிப்படைத் தேவைகளுக்கே ஆயுள் முழுவதும் உழைக்க வேண்டுமா? என் விருப்பப்படி என் வாழ்வை அமைக்கும் பொருளாதாரச் சுதந்திரத்தைப் பெறுவது எப்படி? எப்போது? முன்னதாகவே ஓய்வுபெற்று, வாழ்வை அனுபவிக்க என்ன வழி? பலருக்குள்ளும் இருக்கும் இந்தக் கேள்விகளுக்கு விடை இதோ. முன்னதாக ஓய்வுபெற என்ன செய்ய வேண்டும்? எவ்வாறு திட்டமிட வேண்டும்? எவ்வகையில் முதலீடு செய்ய வேண்டும்? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். பார்த்துப் பயன்பெறுங்கள். நண்பர்களுக்குப் பகிருங்கள்.
சுஜாதா நடையில், ஓ.ஹென்றி பாணியில், வெகுஜன எழுத்தில் முத்திரை பதித்து வருகிறார், கே.ஜி.ஜவர்லால். எந்தத் தலைப்பில், எவ்வளவு பக்கம் எழுதினாலும் வாசகர்களை முதல் வரியிலிருந்து கடைசி வரி வரை படிக்க வைக்கிறார். விறுவிறுப்பான நடையின் மூலம் வாசகர்களைக் கொக்கி போட்டு இழுத்து படிக்க வைப்பது எப்படி? சூட்சுமத்தைச் சொல்லித் தருகிறார் கே.ஜி.ஜவர்லால். பார்த்துப் பயன்பெறுங்கள்.
இங்கிலாந்தின் சவுத் எண்ட் என்ற பகுதியில், கடலுயிர்கள் - காட்டுயிர்கள் ஆகியவை இணைந்த புதுமையான அருங்காட்சியகத்தை அமைத்துள்ளார்கள். அதன் ஒரு பகுதியாக, ஏராளமான கடலுயிர்களை, எளிதில் காணக் கிடைக்காத அரிய உயிரினங்களை இந்தப் பதிவில் கண்டுகளியுங்கள்.
வகை வகையாக, வண்ண வண்ணமாக வலம் வரும் மீன்களும் இதர உயிரினங்களும் உங்கள் உள்ளத்தைக் கொள்ளை கொள்ளக் கூடியவை. முக்கியமாக, இவற்றை உங்கள் பிள்ளைகளுக்கும் மாணவர்களுக்கும் காட்டுங்கள். உட்கார்ந்த இடத்திலிருந்தே உலகம் சுற்றிப் பார்க்கலாம். அத்துடன், உற்சாகமாகக் கல்வியும் கற்கலாம்.
தாம்பரம் வீதிகளில் தெருநாய்களைப் போல் தெருக்குதிரைகளும் இருக்கின்றன. யாரும் இவற்றை வளர்ப்பது போல் தெரியவில்லை. ஆனாலும் இந்தத் தாய்க்குதிரை தானே புல்தேடி உண்டு, தன் குட்டிக்கும் பாலூட்டி வளர்க்கிறது. புல்லுண்ணும் தாய்க்குதிரையை, தாயை விட்டுப் பிரியாத குதிரைக் குட்டியை இங்கே பாருங்கள்.
2022 உங்களுக்கு எப்படி இருக்கும்? வாக்குப் பலிதமும் சரஸ்வதி கடாட்சமும் நிறைந்த மூத்த ஜோதிடர் வேதா கோபாலனின் துல்லியமான கணிப்புகள் இங்கே. 12 ராசிகளுக்கும் உரிய பலன்களை ஒரே பதிவாக வழங்கியுள்ளோம். உங்கள் குடும்பத்தாருடன், நண்பர்களுடன் பகிருங்கள்.
Indian cormorant can walk, swim underwater and fly, a 3-in-1 bird. Here you can see this Little Cormorant is swimming underwater and flying. This might be an inspiration to ambitious cars that can travel on land, water and air.
நீர்க்காக்கை, ஓர் அரிய பறவை. இதனால் தரையில் நடக்கவும் தண்ணீருக்கு அடியில் நீந்தவும் பறக்கவும் முடியும். நீரிலும் நிலத்திலும் வானிலும் இயங்கும் வாகனங்களுக்கு இதுவே தூண்டுதலாக இருக்கலாம். இதோ இங்கே இந்த நீர்க்காக்கை, தண்ணீருக்கு அடியில் நீந்துவதையும் பிறகு சிறகடித்துப் பறப்பதையும் பாருங்கள்.
நுங்கும் நுரையுமாக, சுழிப்பும் அலையுமாக, கழிவும் கசடுமாக, சிரிப்பும் சீற்றமுமாக, துடிப்பும் துள்ளலுமாக கரைமீறிப் பாய்கிறது அடையாறு. ஒரே நேரத்தில் மேலே கனமழை, கீழே பெருவெள்ளம் என்ற காட்சியைப் பார்த்திருக்கிறீர்களா? ஆஹா என்று எழுந்து அதிர நடக்கும் அடையாற்றின் பேரழகு இங்கே.
அடையாறு நதியில் மூன்று இடங்களில் உடைப்பு ஏற்பட்டுள்ளது. இதனால் பேரளவு நீர், ஊருக்குள் பாய்கின்றது. தாம்பரத்தில் தாழ்வான பகுதிகளை வெள்ளம் சூழ்ந்துள்ளது. நாள் முழுவதும் தண்ணீர் வடியவில்லை. இதோ களத்திலிருந்து சில காட்சிகள்.
அடையாறு நதியில் வெள்ளப் பெருக்கு, கரை உடைப்பு, கனமழை என ஒரே நேரத்தில் பலமுனைத் தாக்குதலால் தாம்பரம் தத்தளிக்கிறது. வீடுகளை விட்டு மக்கள் வெளியேறி வருகின்றனர். சாதாரணப் பயணமே சாகசப் பயணமாய் ஆகிவிட்டது. இதோ களத்திலிருந்து சில காட்சிகள்.
தாம்பரம் அருகில் அடையாறு நதியில் மீண்டும் உடைப்பு ஏற்பட்டுள்ளது. அதனை அப்பகுதி மக்கள் தற்காலிகமாக அடைத்துள்ளனர். ஆனாலும், அபாயம் முழுமையாக நீங்கியதாகக் கொள்ள முடியாது. இதற்கு வலிமையான கரையமைத்து, நிரந்தரத் தீர்வு காண வேண்டியது அவசர அவசியம். மக்கள் விழிப்புடன் இருப்பது நல்லது.
இங்கிலாந்தின் இரண்டாவது மிகப் பெரிய நகரமான பர்மிங்காம் மாநகரில் ஓர் உலா.
படப்பதிவு - நவ்யா
Birmingham is a city and metropolitan borough in the West Midlands, England. It is the second-largest city, urban area and metropolitan area in England and the United Kingdom. Birmingham is commonly referred to as the "second city of the United Kingdom". Located in the West Midlands county and region in England, approximately 100 miles (160 km) from Central London, Birmingham, as one of the United Kingdom's major cities, is considered to be the social, cultural, financial, and commercial centre of the Midlands (Wiki).
வருமான வரியைச் சேமிப்பது எப்படி? அதிகபட்ச பலன்களைப் பெறுவது எப்படி? வரிசேமிப்பின் மூலம் இன்னொரு வருவாயை ஈட்டுவது எப்படி? பழைய வரிவிதிப்பு முறையா? புதிய வரிவிதிப்பு முறையா? யாருக்கு எது சிறந்தது? இதோ முழு விவரங்கள். அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார்.
பெண்குயில், அவ்வளவு எளிதில் காட்சி கொடுக்காது. நம்மைக் கண்டாலே பறந்து ஓடிவிடும். அதிர்ஷ்டவசமாக, என் ஜன்னலை ஒட்டியுள்ள கருவேப்பிலை மரக்கிளையில் மிக அருகில் வந்தமர்ந்தது. ஓசைப்படாமல் ரகசியமாக இதைப் படம் பிடித்தேன். இதன் பேரழகை நுணுக்கமாக நீங்கள் ரசிக்கலாம்.
காஞ்சிபுரத்தில் திருமிகு சுதர்சன் & ஐஷ்வர்யா திருமணம், வெகு சிறப்பாக நடைபெற்றது. 2021 நவம்பர் 20 அன்று நடைபெற்ற மாப்பிள்ளை அழைப்பு வைபவத்திலிருந்து சில காட்சிகள் இங்கே. மணமக்கள் நீடூழி வாழ்க!
நவம்பர் 19 முதல் 25 வரை உலக மரபு வாரம் கொண்டாடப்படுகிறது. இதை முன்னிட்டு, 'இந்தியாவில் உள்ள உலக மரபுச் சின்னங்கள்' என்ற தலைப்பில் புகைப்படக் கண்காட்சி ஏற்பாடு செய்யப்பட்டுள்ளது. காஞ்சிபுரத்தில் உள்ள திரு பரமேஸ்வர விண்ணகரம் என்கிற வைகுந்தப் பெருமாள் கோவிலில் இந்தக் கண்காட்சி நடைபெற்று வருகிறது. உலக மரபுச் சின்னங்கள் அனைத்தையும் ஒரே இடத்தில் காண்பது, ஓர் அரிய வாய்ப்பு. இதோ இந்தக் கண்காட்சியின் உள்ளே ஓர் உலா.
நம் ஜன்னலை ஒட்டியுள்ள வேப்ப மரத்தில், கோவைக் கொடி ஒன்று அண்மையில் தானாகவே வளரத் தொடங்கியது. திரும்பிப் பார்ப்பதற்குள் எல்லாப் பக்கமும் படர்ந்து நிற்கிறது. அதில் கோவைப் பூக்களும் காய்களும் பழங்களும் பெருகியுள்ளன. இந்த மரத்தில் வசித்து வருகின்ற குயில்களுக்கும் இதர பறவைகளுக்கும் இப்போது கொண்டாட்டம்தான். இந்தப் பதிவில் கோவைப் பழம் ஒன்றை ஆண்குயில்களும் பெண்குயிலும் அடுத்தடுத்து பற்றி இழுத்து உண்பதை மிக நெருக்கத்தில் நீங்கள் பார்க்கலாம்.
காஞ்சிபுரத்தில் இன்று சுதர்சன் - ஐஷ்வர்யா திருமணம் விமரிசையாக நடைபெற்றது. நேற்று இரவு நடைபெற்ற வரவேற்பு நிகழ்ச்சியில், பழைய சீவரம் ஜி.காளிதாஸ் குழுவினர் வழங்கிய மங்கல இசை இதோ.
'விண்ணோர் தொழும் திரு அண்ணாமலை' என்ற பாடலை இசைஞானி இளையராஜா இயற்றி இசையமைத்துள்ளார். "ராஜாவின் ரமண மாலை" என்ற இசைத் தொகுப்பில் இருந்து இதைக் கற்றுக்கொண்டு நாகி நாராயணன் பாடுகிறார். இந்தத் திருக்கார்த்திகைத் திருநாளில், திருவண்ணாமலையில் மகாதீபம் ஏற்றப்பட்ட இந்த நன்னாளில் இதை வெளியிடுகிறோம். கேட்டு மகிழுங்கள். திருக்கார்த்திகை தின நல்வாழ்த்துகள்.
இங்கிலாந்தின் சவுத் எண்டு பகுதியில் அமைந்துள்ள அட்வென்சர் ஐலேண்டு என்ற கேளிக்கைப் பூங்காவில், ஒரு புதுமையான ரங்க ராட்டினம் (AXIS ride). பார்த்து மகிழுங்கள்.
தாம்பரத்தில் அமைந்துள்ள தேசிய சித்த மருத்துவ நிறுவனத்தை, பதினெண் சித்தர்களின் திருவுருவப் படங்கள் அலங்கரிக்கின்றன. இவர்கள், செயற்கரிய செய்த மாமுனிகள், தமிழரின் பெருமைக்குரிய மாமணிகள். இவர்களைக் கண்டு வணங்கி, கருத்தில் இருத்தி, இவர்தம் தடத்தில் நடப்போம் வாருங்கள்.
மூத்த குடிமக்கள் முதலீடு செய்ய, இவ்வளவு வாய்ப்புகளா? இவ்வளவு திட்டங்களா? இந்த அளவுக்குத் தொடர் வருவாய் கிடைக்குமா? இவ்வளவு பாதுகாப்பானதா? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக், விரிவான விவரங்களைத் தருகிறார். பார்த்துப் பயன்பெறுங்கள். நண்பர்களுக்கும் பெரியவர்களுக்கும் பகிருங்கள்.
அதிக கனமழை பெய்யும் என எதிர்பார்க்கப்பட்ட நிலையில், நேற்றைய தினம் அதிகாலையில் ஒருமணி நேரத்துக்கும் மேலாகக் கனமழை பெய்தது. அதன்பின்னர் பகலில் அவ்வப்போது கனமழை பெய்தது. சில நேரங்களில் வெயில் அடித்தது.
* திற்பரப்பு அருவியில் நேற்று முன் தினத்தை விடக் குறைந்த சீற்றத்துடன் வெள்ளம் பாய்ந்தோடியது. நேற்றைய முன் தினத்தை விடச் சற்று தெளிவாக அருவியில் தண்ணீர் கொட்டியது. அருவியின் மேற்பகுதி தடுப்பணையில் மறுகால் இட்டதால் படகு சவாரி நடக்கவில்லை.
* மாத்தூர் தொட்டிப்பாலத்தின் கீழே ஓடும் பரளியாற்றுத் தண்ணீர், அருவிக்கரை - வேர்க்கிளம்பியை இணைக்கும் சப்பாத்துப் பாலத்தை மூழ்கடித்தபடி நேற்று முன்தினம் முதலே சென்று கொண்டிருந்தது. நேற்று மாலை வரை தண்ணீர் வரத்து குறையவில்லை. இதனால் அருவிக்கரை ஊராட்சியில் இருந்து மறு பகுதியிலுள்ள பொன்னன் சிட்டி விளை, முதலார் ஆகிய பகுதிகளுக்கு வாகனங்கள் செல்ல முடியாத நிலை எற்பட்டு, வாகனங்கள் மாற்றுப் பாதையில் இயக்கப்பட்டன. இந்த மழை நேரத்திலும் மாத்தூர் தொட்டிப்பாலத்தைப் பார்க்க, பல்வேறு பகுதிகளிலும் இருந்து சுற்றுலாப் பயணிகள் வருகை தந்து தொட்டிப்பாலத்தைப் பார்த்து மகிழ்ந்து சென்றனர்.
சென்னை, தாம்பரத்தை ஒட்டியுள்ள முடிச்சூர் ஏரி நிரம்பியது. இதன் மேற்பரப்பை ஆகாயத் தாமரைகள் மூடியுள்ளன. இந்த ஏரியின் உபரி நீர், கால்வாய்களில் பாய்ந்து ஓடுகின்றது. களத்திலிருந்து இதோ சில காட்சிகள்.
கன்னியாகுமரி மாவட்டத்தில் நேற்று முன் தினம் இரவு முதல் நேற்றுவரை விடாமல் கனமழை கொட்டித் தீர்த்தது.
பெருஞ்சாணி அணையில் இருந்து வெள்ளம் திறந்துவிடப்பட்டுள்ளதால் மாத்தூர் தொட்டிப் பாலத்தின் அருகே அருவிக்கரைப் பகுதியில் பரளியாற்றில் வெள்ளப் பெருக்கு ஏற்பட்டுள்ளது.
திற்பரப்பு அருவியின் அனைத்துப் பகுதிகளிலும் வெள்ளம் பெருக்கெடுத்து ஓடுகிறது. எங்கும் வெண்ணிறப் புகை மண்டலமாய் அருவித் தண்ணீர் கொட்டுகிறது. அருவியின் முன்பகுதி சிறுவர் குளத்தை மூழ்கடித்து, கல்மண்டபம் வழியாக தண்ணீர் ஓடுகிறது. குளிக்க அனுமதி இல்லாதாதால் வருகை தந்த சுற்றுலாப் பயணிகள், தடுப்பு வேலி வழியாக அருவியைப் பார்த்துத் திரும்பினர். தடுப்பணையில் தண்ணீர் வரத்து அதிகரித்ததால் படகு சவாரியும் நடைபெறவில்லை. இதனால் படகுத் துறையில் படகுகள் அனைத்தும் ஓய்வெடுத்துக்கொண்டன.
திருநந்திக்கரை நந்தீஸ்வரர் ஆலயத்தையொட்டி மழை நீர் புகுந்துள்ளது. கோயில் உட்பிரகாரம் மற்றும் வெளிப்பிரகாரங்களைச் சுற்றி மழை நீர் ஆறாக ஓடியிருப்பதோடு விளை நிலங்களுக்கு உள்ளும் புகுந்துள்ளது.
ஒரு வார அவதிக்குப் பிறகு தாம்பரம் மீண்டு வருகிறது. இன்று வெள்ளம் வடியத் தொடங்கியிருக்கிறது. இயல்பு வாழ்க்கை திரும்பிக்கொண்டிருக்கிறது. இதோ களத்திலிருந்து சில காட்சிகள்.
வெள்ளத்தில் பொதுவாகத் தண்ணீர் மட்டும் வருவதில்லை. ஊரில் உள்ள குப்பை கூளங்களும் மீன்கள், தவளைகள், வண்டுகள், பூச்சிகள் எனப் பலவும் கூடவே வரும். இன்று தாம்பரம் பாப்பான் கால்வாயில் பெருகி ஓடும் வெள்ளத்தில் ஒரு பாம்பினைப் பார்த்தேன். இதோ அந்தக் காட்சிகள்.
சென்னை அடையாறு நதியில் வெள்ளப் பெருக்கு ஏற்பட்டுள்ளது. இதனால், தாம்பரத்திற்கு அருகில் அதன் கரையின் ஒரு பகுதி உடைந்துள்ளது. அதை அடைக்கும் பணி தீவிரமாக நடைபெற்று வருகிறது. இதனால் தாம்பரம் சுற்று வட்டாரப் பகுதிகளை வெள்ளம் சூழ்ந்துள்ளது. சாலைகளில் ஆறாகத் தண்ணீர் ஓடுகிறது. பலரது வீடுகளில் தண்ணீர் புகுந்துள்ளது. மக்கள் வேகமாக வெளியேறி வருகின்றனர். களத்திலிருந்து இதோ சில காட்சிகள்.
தாம்பரம், முடிச்சூர் சாலையின் அவல நிலையைப் பாருங்கள். இந்தச் சாலையைக் கடப்பவர்கள், விழிப்புடன் இருங்கள். தாம்பரம் சுற்று வட்டார நண்பர்களுக்கு இதைப் பகிருங்கள்.
அருணகிரிநாதர் இயற்றிய திருப்புகழிலிருந்து 'தாரகாசுரன் சரிந்து' எனத் தொடங்கும் பாடலை, திருமதி நாகி நாராயணன் குரலில் கேட்டு மகிழுங்கள். சூர சம்ஹாரம் நிகழும் இந்த நாளில், வேல்வீச்சினைப் போல் வேகவேகமாக இதன் வரிகள் பாய்ந்து வருகின்றன. இந்த இனிய பாடலுடன் கந்தசஷ்டி விழாவைக் கொண்டாடுங்கள்.
அருணகிரிநாதர் இயற்றிய திருப்புகழிலிருந்து 'பாதி மதிநதி' எனத் தொடங்கும் பாடலை, திருமதி விஜயலட்சுமியின் குரலில் கேட்டு மகிழுங்கள். இந்த இனிய பாடலுடன் கந்தசஷ்டி திருவிழாவைக் கொண்டாடுங்கள்.
சரவெடிக்கு உச்சநீதிமன்றம் தடை விதித்தது. எனினும் இந்தத் தீபாவளி அன்று சரவெடி பரவலாக வெடிக்கப்பட்டது. மாலன் நாராயணன் வசிக்கும் பகுதியிலும் வெடிக்கப்பட்டதாக எழுதியுள்ளார். சென்னை, அம்பத்தூர், ஒரகடத்தில் நேற்று இரவு வெடித்த சரவெடி இதோ.
இங்கிலாந்தின் பிளாக்பூல் நகரம், ஆண்டுதோறும் செப்டம்பர் மாதம் வண்ணமயமாய் ஜொலிக்கும். வண்ண விளக்குகளும் வாண வேடிக்கைகளும் இரவைப் பகலாக்கும். இந்த ஆண்டு இந்த விழாக் காலத்தை நீட்டித்திருக்கிறார்கள். 2022 ஜனவரி வரை இந்தக் கோலாகல வைபவம் தொடரும். இது முற்றிலும் இலவசம். எவரும் கண்டுகளிக்கலாம். இதோ இந்த 2021ஆம் ஆண்டுக் கொண்டாட்டத்தின் ஒரு பகுதி. படப்பதிவு, நவ்யா.
கும்பகோணம் அருகே உள்ள நாச்சியார்கோவில், திருநறையூர் ஆகிய தலங்களில் உள்ள மூன்று ஆலயங்களுக்கு வெ.சுப்ரமணியன் அண்மையில் சென்றிருந்தார். இந்த ஆலயங்களில் ஒன்றான அருள்மிகு சௌந்திர நாயகி அம்பாள் சமேத சித்தநாத சுவாமி திருக்கோவிலுக்கும் சென்று வழிபட்டு வந்தார்.
வேறெந்தச் சிவாலயத்திலும் இல்லாத அமைப்புகள், இந்த ஆலயத்தில் உள்ளன. இந்தத் திருத்தலத்தில் மேதாவி மகரிஷி, சித்தநாதரைப் பூஜித்து மகாலட்சுமியை மகளாக அடைந்து வளர்த்து, நாச்சியார்கோவில் அருள்மிகு சீனிவாசப் பெருமாளுக்குத் திருமணம் செய்து கொடுத்ததாக ஐதீகம்.
சித்தநாத சுவாமி திருக்கோவிலில் மூன்று தட்சிணாமூர்த்திகள், ஐந்து சண்டிகேஸ்வர்கள், மழலை மகாலட்சுமிக்குத் தனிச் சன்னதி என்று பல சிறப்புகள். நவகிரகங்களைத் தட்சிணாமூர்த்தி பார்த்தவாறு இருப்பது கூடுதல் சிறப்பு. இந்தத் தலத்தின் சிறப்புகளை விளக்குகிறார் T.G. குருநாத சிவாச்சாரியார். பார்த்து மகிழுங்கள்.
வேளாண் தொழில்நுட்பங்கள் பெரிய அளவில் வளர்ந்து வருகின்றன. இதனால் சாதகங்களும் உண்டு. பாதகங்களும் உண்டு. இந்த நுட்பங்களை எப்படிப் பயன்படுத்தலாம்? வேளாண் தொழில்நுட்ப ஆலோசகர் வெங்கி என்கிற வெங்கட்ராமன் ராமச்சந்திரன் விளக்குகிறார்.
தங்கப் பத்திரங்களில் முதலீடு செய்வது பற்றி, முந்தைய பதிவில் விளக்கியிருந்தோம். அது தொடர்பாகச் சில கேள்விகளைச் சுதா மாதவன் எழுப்பியுள்ளார். அங்கீகரிக்கப்பட்ட நிதி ஆலோசகர் ராமகிருஷ்ணன் நாயக், இவற்றுக்குப் பதில் அளித்துள்ளார். உங்களுக்கு ஏதும் ஐயங்கள், கேள்விகள் இருந்தால் கேளுங்கள்.
உளுந்தூர்பேட்டை சண்முகம் இயற்றிய 'ஓம் எனும் பிரணவ ரூப நாயகா' என்ற பாடலைத் திருமதி விஜயலட்சுமியின் குரலில் கேளுங்கள். 72 வயதிலும் இனிமையாகப் பாட முடியும்; திறமைக்கு முதுமை ஒரு தடையில்லை என இவர் நிரூபிக்கிறார். கேட்டு மகிழுங்கள்.
பச்சைப் பட்டாணி சுண்டல் செய்வது எப்படி? இதோ செய்து காட்டுகிறார், ஜெயந்தி சுப்ரமணியன். உடன் உரையாடுகிறார், வெ.சுப்ரமணியன். நீங்களும் செய்து பாருங்கள். உங்கள் கருத்துகளைப் பகிருங்கள்.
பிங்க் உடற்பயிற்சி நிலையத்தில் இன்று குடும்ப விழா நடந்தது. இதில் இன்று தம்பதிகளுக்குப் போட்டி நடத்தினார்கள். பல்வேறு போட்டிகளைத் துண்டுச் சீட்டில் எழுதி வைத்து, குலுக்கல் முறையில் ஒன்றைத் தேர்ந்தெடுக்கச் சொன்னார்கள். எங்களுக்கு வந்தது, கண்ணை மூடிக்கொண்டு ஒற்றைக் காலில் நிற்கும் போட்டி. அதிக நேரம் நிற்பவரே வெற்றியாளர். எங்கள் போட்டி எப்படி நடந்தது என்று பாருங்கள்.
இன்று பெய்த மழையில் குயில் நனையும் காட்சி இங்கே. சிறகுகளை அடிக்கடி உதறுவதும் கோதுவதும் சிலிர்ப்பதும் அக்கம் பக்கம் திரும்புவதும் மட்டுமின்றி, வாயை விநோதமாகத் திறக்கவும் செய்தது. இதோ அந்தக் காட்சிகள்.
சரியான முதலீடுகளைப் பாதுகாப்பாக மேற்கொள்ள, சந்தையில் நிபுணத்துவம் வாய்ந்த நிதி மேலாளரும் நிதி ஆலோசகரும் தேவை. ஆனால், இந்த நிதி மேலாளரைத் தேர்ந்தெடுப்பது எப்படி? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
கீசுகீசு என்று எங்கும் ஆனைச்சாத்தன் கலந்து பேசின பேச்சரவம் கேட்டிலையோ? எனத் திருப்பாவையில் கேட்கிறார். ஆண்டாள் குறிப்பிடும் ஆனைச்சாத்தன் இதுதான். இரட்டைவால் குருவி, கரிச்சான், கரிக்குருவி என வேறு பெயர்களும் இதற்கு உண்டு. இதன் கீசுகீசு என்ற குரலை இங்கே கேளுங்கள்.
பங்குச் சந்தையில் அரசு முதலீடு செய்வது ஏன்? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
இங்கிலாந்தில் உள்ள பிளாக்பூல் நகர வீதிகளில் காரும் ஓடுகிறது, தேரும் ஓடுகிறது. குதிரை பூட்டிய தேரில் டக் டக் என்று மிடுக்காக நகர்வலம் வரும் அழகே தனி தான். நம் ஊரிலும் இப்படி அழகான குதிரை வண்டிச் சவாரியை அறிமுகப்படுத்தினால், சுற்றுலாத் துறை செழிக்குமே. படப்பதிவு, நவ்யா.
பல்துறை வித்தகராக விளங்கும் எழுத்தாளர் சாய் குமார், ஆன்மீகத்தில் ஆழ்ந்த ஈடுபாட்டுடன், அர்ப்பணிப்புடன் 25 நூல்களை எழுதியுள்ளார். பாடல் பெற்ற தலங்கள், திவ்விய தேசங்கள், புராணத் தலங்கள் என நூற்றுக்கணக்கான ஆலயங்களுக்கு நேரில் சென்று வணங்கியுள்ளார். மற்றவர்களும் அந்த அனுபவத்தைப் பெற வேண்டும் என்பதற்காக, அந்தந்தக் கோவில்களின் தல வரலாற்றுடன், அனைத்து விவரங்களுடன் வழிகாட்டி நூல்களை வெளியிட்டுள்ளார்.
எழுத்துடன் பாடவும் தெரிந்த இவர், ஆயிரம் கச்சேரிகள் செய்துள்ளார். ஆண்டுதோறும் 15 படிகளில் கொலு வைத்துப் புதுமைகள் செய்து வருகிறார். கீபோர்டு வாசிக்கத் தெரிந்தவர். கல்வெட்டுகள், செப்பேடுகள் ஆகியவற்றைப் படித்து ஆவணப்படுத்துகிறார். சமஸ்கிருதத்திலும் பட்டயம் பெற்றுள்ளார். சாய் குமாரின் பல்வேறு முகங்களை இந்த நேர்காணலின் வழியே வெளிக்கொண்டு வந்துள்ளார், வெ.சுப்ரமணியன். பார்த்து மகிழுங்கள்.
நம் வீட்டுத் தோட்டத்தில் பச்சை மூக்குத்தி அவரைப் பூ விதைகள் இரண்டை என் மனைவி விதைத்தார். அவை இரண்டும் அமோகமாக வளர்ந்து வருகின்றன. இன்று ஒரே நாளில் பத்துப் பூக்கள் பூத்துள்ளன. பார்த்து மகிழுங்கள்.
அந்நிய முதலீடுகள் வெளியேறினால், பங்குச் சந்தை விழுமா? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
குஜராத், ராஜஸ்தான் மாநிலங்களைச் சேர்ந்த கங்குரேஜ் இன மாடுகள், சென்னை தாம்பரத்தில் நடை பயில்கின்றன. இவை, கம்பீரமான தோற்றம் கொண்டவை. இவற்றுள் ஒற்றைக் கொம்பு மாடு ஒன்றும் இருக்கிறது.
சிவபக்தர், அருட்கவிஞர் சிவசிவா இயற்றிய 'புயங்கப் பெருமான் புஜங்கம்' பாடல்களை மெட்டமைத்துப் பாடுகிறார், நாகி நாராயணன். 'பொலா நோய்கள் தீர்க்கும்' எனத் தொடங்கும் இந்தப் புஜங்கத்தைக் கேளுங்கள். கொரோனா உள்ளிட்ட பொல்லா நோய்கள் தீரட்டும்.
திண்டிவனத்தில் எட்டாம் வகுப்புப் படிக்கும் வி.கிருத்திகா, 'அருட்திரு வள்ளலாரின் புலால் உண்ணாமையும் ஜீவகாருண்யமும்' என்ற தலைப்பில் உரை ஆற்றியிருக்கிறார். புலால் உண்ணாமையின் பயன்களை விவரித்த அவர், மனிதர்கள் இறந்த பின் மண்ணில் புதைக்கிறோம். புலால் உண்போர், ஆடு, மாடு, கோழி போன்ற உயிர்களைக் கொன்று தங்கள் வயிற்றையே அவற்றுக்கு இடுகாடாக மாற்றிவிடுகிறார்கள் எனப் பேசியிருக்கிறார். அவரது உரையை இங்கே கேளுங்கள்.
சந்தை உச்சத்தில் இருக்கும் இன்றைய நிலையில், பங்குகளை வாங்கலாமா? விற்கலாமா? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
கர்பா நடனம் என்பது, குஜராத்தைத் தாயகமாகக் கொண்டது. மகாசக்தியின் முன்னால் பக்தியுடன் ஆடக் கூடியது. இங்கிலாந்தில் நூற்றுக்கணக்கானோர் இணைந்து ஆடிய கர்பா நடனத்தைக் கண்டு களியுங்கள். படப்பதிவு - நவ்யா.
கடைகளில் வாங்கும் சாம்பார் பொடியின் தரத்தில் உங்களுக்குச் சந்தேகம் இருக்கிறதா? வீட்டிலேயே நாமே எளிமையான முறையில் சாம்பார் பொடி செய்யலாம். நமக்கு ஏற்ற அளவில், விருப்பமான கலவையில், சுகாதாரமான, சுவையான சாம்பார் பொடி (குழம்புப் பொடி) தயாரிக்க முடியும். இதோ சுதா மாதவன் நமக்காகச் செய்து காட்டுகிறார். நீங்களும் செய்து பாருங்கள்.
கொலு முடிந்த பிறகு, பொம்மைகளைப் பாதுகாப்பாக எடுத்து வைப்பது, மிக முக்கியப் பணி. இதில் மிகுந்த கவனமும் பொறுமையும் வேண்டும். இதை எப்படிச் செய்வது? இதோ விளக்குகிறார், வெ.சுப்ரமணியன்.
சிதம்பரம் நடராஜர் கோவில் வாசலில் நடைபெற்ற ஒரு நிகழ்ச்சி. மத நல்லிணக்கத்திற்கு ஓர் அடையாளம். இந்தியாவின் ஒற்றுமைக்கு ஓர் உதாரணம். வெ.சுப்ரமணியன் சொல்லும் சம்பவத்தைக் கேளுங்கள்.
25 நூல்களை எழுதியுள்ள ஆன்மிக எழுத்தாளர் சாய் குமார், தம் வீட்டில் 15 படிகள் கொண்ட மிகப் பெரிய கொலுவை அமைத்துள்ளார். நூறு ஆண்டுகள் பழைமை வாய்ந்த அபூர்வப் பொருள்கள் இந்தக் கொலுவை அலங்கரிக்கின்றன. இதில் பல அதிசயங்களைக் காட்சிப்படுத்தியுள்ளார். சித்தமெல்லாம் எனக்குச் சிவமயமே என்ற அர்ப்பணிப்புடன் இதை உருவாக்கியுள்ளார். இந்த அரிய கொலுவைக் கண்டுகளிக்க வாருங்கள்.
சென்னை, அண்ணாநகரில் சிந்தாமணி விநாயகர் திருக்கோவில் அமைந்துள்ளது. அதில் அருள்மிகு கருமாரியம்மனுக்கு இந்த நவராத்திரியில் ஒவ்வொரு நாளும் ஒவ்வொரு வகையான அலங்காரம் செய்தார்கள். அவற்றை இயேகாம்பரம், தினமும் பதிவு செய்தார். அவற்றின் தொகுப்பு இங்கே.
பாபநாசம் சிவன் இயற்றிய 'நிஜமுன்னை நம்பினேன் நீலாயதாட்சி' என்ற புகழ்பெற்ற பாடலை, தம் வீட்டுக் கொலுவில் திருமதி ரஞ்சனி சதீஷ் பாடுகிறார். நீலாயதாட்சியிடம் நேரில் பேசுவது போன்ற இந்தப் பாடலைக் கேட்டு மகிழுங்கள்.
தினந்தோறும் புதிய புதிய உச்சங்களைத் தொட்டுக்கொண்டிருக்கும் மும்பை பங்குச் சந்தை, இப்போதைய 61 ஆயிரம் புள்ளிகளிலிருந்து ஒரு லட்சம் புள்ளிகளைத் தொடும் என்கிறார், அங்கீகரிக்கப்பட்ட நிதி ஆலோசகர் ராமகிருஷ்ணன் நாயக். அவருடன் ஒரு நேர்காணல்.
சென்னை, கோயம்பேட்டில் வசிக்கும் ஜெயந்தி சுப்ரமணியன் வீட்டுக் கொலு விழாவைக் கண்டுகளியுங்கள். அவர் பாடும் 'நான் ஒரு விளையாட்டுப் பொம்மையா?' என்ற பாடலைக் கேளுங்கள். பொம்மைகள் அணிவரிசைக்கு இந்தப் பாடல், ஏகப் பொருத்தம். நமது மரபின்படி, வருகை தந்த விருந்தினர்களுக்குப் பிரசாதம் அளித்துக் கௌரவிப்பதையும் பாருங்கள்.
எம்.எம். தண்டபாணி தேசிகர் இயற்றிய 'எனை நீ மறவாதே அங்கயற்கண்ணி எனை நீ மறவாதே' என்ற பாடல், புகழ் பெற்றது. இதை ஜெயந்தி சுப்ரமணியன் வீட்டுக் கொலுவில் பாடுகிறார், திருமதி ரஞ்சனி சதீஷ். இந்த இனிய பாடலைக் கேட்டு மகிழுங்கள்.
நியூசிலாந்தில் வாழும் துளசி கோபால், உலகின் பல பகுதிகளுக்குப் பயணித்தவர். 'ஆஹா அற்புதம்!' எனக் கொண்டாடத்தக்க வகையில், நுணுக்கமான கலைப்பொருள்களுடன் இந்த நவராத்திரி கொலுவை வடிவமைத்துள்ளார். Over to Newzealand.
பணியாரம் செய்வது இவ்வளவு எளிதா? இதோ நான்கே நிமிடத்தில் சுடச் சுடப் பணியாரம். செய்து காட்டுகிறார் மஞ்சுளா லோகநாதன். உங்கள் வீட்டிலும் செய்து பாருங்கள். உங்கள் கருத்துகளைப் பகிருங்கள்.
சென்னை, தாம்பரத்தில் வசிக்கும் ஸ்ரீபிரியா ஆனந்த், முதல் முறையாகக் கொலு வைத்திருக்கிறார். இராமர் பட்டாபிஷேகம், வள்ளித் திருமணம், காந்தியடிகள் ரவுண்டானா எனப் பலவும் இவரது கொலுவை அலங்கரிக்கின்றன. இவர் மகள், வன உயிரினங்களுக்கும் பறவைகளுக்கும் தனித் தனியே சரணாலயம் அமைத்துள்ளார். சிங்கங்களை இப்படித் திறந்துவிட்டிருக்கிறீர்களே, ஆபத்து இல்லையா? என வெ.சுப்ரமணியன் கேட்டதற்கு ஸ்ரீபிரியாவின் பதில் அழகானது. தேவியரையும் தெய்வங்களையும் தரிசிக்க வாருங்கள்.
சென்னை குரோம்பேட்டையில் உள்ள போத்தீஸ் பேரங்காடியின் வாயிலில் பிரமாண்ட கொலு வைத்திருக்கிறார்கள். அதன் முன்னே நின்று வாடிக்கையாளர்கள் படம் எடுத்துக்கொள்கிறார்கள். இதில் என்னென்ன பொம்மைகள் இருக்கின்றன? வாங்க பார்க்கலாம்.
இங்கிலாந்தில் ஷேக்ஸ்பியர் பிறந்த ஸ்டிராட்போர்டு என்ற ஊரில் பாயும் ஏவன் நதியில் ஓர் இனிய படகுப் பயணம். அன்னப் பறவைகள் உடன்வர, காற்றில் புறாக்கள் கவிதை வரைய, சில்லென்ற காற்றில் சிலுசிலுத்தபடி தவழும் நதியலையின் தாலாட்டில் மிதந்தபடி, உலாப் போகலாம் வாருங்கள். படப்பதிவு - நவ்யா.
திருவனந்தபுரத்தில் வசிக்கும் ஜெயலட்சுமி நயினார் வீட்டுக் கொலு, இதோ. அவர் கணவர் பேராசிரியர் மா.நயினார், கொலுவைக் குறித்து அழகாக விளக்கியுள்ளார். உள்ளன்புடனும் கலையுணர்வுடனும் மிளிரும் இந்தக் கொலுவைக் கண்டுகளிக்க வாருங்கள்.
சென்னை, கோவூரில் வசிக்கும் ஜெயந்தி மோகன் வீட்டுக் கொலுவைக் கண்டுகளிக்க வாருங்கள். கொலுவை நமக்கு அறிமுகப்படுத்தி, 'சகலம் சௌபாக்கியம் சுபம்' என இவர் நிறைவுசெய்வது மங்களகரம். செல்வியர் காயத்ரியும் ஹரிணியும் 'புல்லாங்குழல் கொடுத்த மூங்கில்களே' என மழலைக் குரலில் பாடுவது தனி அழகு.
நவராத்திரியில் கொலு வைப்பதுடன், பாட்டுப் பாடி, அன்னையை இசையால் ஆராதிப்பது நம் மரபு. சென்னையில் ஜெயந்தி சுப்ரமணியன் தம் வீட்டில் கொலு வைத்துப் பாடுகிறார். உளுந்தூர்பேட்டை சண்முகம் இயற்றி, உயர்புகழ் பெற்ற 'சின்னஞ்சிறு பெண்போலே' பாடலை அவரது குரலில் கேளுங்கள். அவர் வீட்டுக் கொலுவைக் கண்டுகளியுங்கள்.
கொலு எப்படி வைக்க வேண்டும் என்ற இலக்கணத்திற்கு எடுத்துக்காட்டு, இதோ. சென்னை, விருகம்பாக்கத்தில் அமைந்துள்ள சாந்தி ஜெயராமன் வீட்டுக் கொலுவை இணையம் வழியே கண்டுகளிக்க வாருங்கள்.
கலையை விற்கலாமா? கலை என்ன வியாபாரப் பொருளா? என்று கேட்டால், ஆமாம், கலை வியாபாரம்தான் என அடித்துச் சொல்கிறார் ஓவியர் ஜெயராஜ். அவருடன் ஓவியர் ஸ்யாம் நிகழ்த்திய உரையாடலின் மூன்றாவது பகுதி, இதோ. பத்திரிகை உலகின் இன்னொரு முகத்தை வெளிச்சம் போட்டுக் காட்டும் அதிரடி நேர்காணலைப் பாருங்கள்.
குழந்தைகள் அடம்பிடித்தால் என்ன செய்வது? அவர்களை அவர்கள் போக்கில் விட்டால் என்ன ஆகும்? மிக முக்கியமான ஆலோசனையை வழங்குகிறார் நிர்மலா ராகவன், இந்த உரையாடலைப் பார்த்துப் பயன்பெறுங்கள், உங்கள் நண்பர்களுக்கும் பகிருங்கள்.
சென்னையில் ஆறாம் வகுப்புப் படிக்கும் சாய் ஐஷ்வர்யா, தங்கள் வீட்டுக் கொலுவை நமக்கு அறிமுகப்படுத்துகிறார். மூன்று தலைமுறைகளாகப் பாதுகாக்கப்படும், 100 ஆண்டுகள் பழைமையான ஓவியத்தைக் காட்டுகிறார். மரபின் செழுமை கொண்ட இந்தக் கொலுவைக் கண்டு களிக்க வாருங்கள்.
நவராத்திரி என்றாலே கொலுவும் சுண்டலும் நமக்கு நினைவுக்கு வரும். அந்தச் சுண்டலிலும் ஏராளமான வகைகள் உண்டு. கடலைப் பருப்புச் சுண்டல் செய்வது எப்படி என்பதை இன்று செய்து காட்டுகிறார், ஜெயந்தி சுப்ரமணியன். உடன் உரையாடுகிறார், வெ.சுப்ரமணியன். இதை உங்கள் வீட்டில் செய்து பாருங்கள். உங்கள் கருத்துகளை எங்களுடன் பகிருங்கள்.
இன்று இரண்டு பேர் சேர்ந்து வாழ்வதே கூட்டுக் குடும்பம்தான் என ஒரு நகைச்சுவைத் துணுக்கு உண்டு, இந்தக் கூட்டுக் குடும்பத்தில் அமைதி நிலவ என்ன செய்ய வேண்டும்? மிக முக்கியமான ஆலோசனையை வழங்கியுள்ளார் நிர்மலா ராகவன், இந்த உரையாடலைப் பார்த்துப் பயன்பெறுங்கள், உங்கள் நண்பர்களுக்கும் பகிருங்கள்.
உங்கள் குடும்பத்தில் அல்லது உங்கள் நண்பர்கள் குடும்பத்தில் ஏதும் சிக்கல் இருந்தால், நீங்கள் அதுகுறித்து நிர்மலா ராகவனிடம் இலவச ஆலோசனை பெறலாம். உங்கள் கேள்விகளை இந்தப் பதிவிற்கு மறுமொழியாக இடலாம். அல்லது, annakannan@yahoo.co.in என்ற முகவரிக்கு மின்னஞ்சல் அனுப்பலாம். உங்கள் இல்லத்திலும் உள்ளத்திலும் மகிழ்ச்சி பெருகட்டும்.
சந்தைப் பொருள்களில் பல அடுக்குகள் உண்டு. உயர்வகைப் பொருள்களுக்கும் இரண்டாம்கைப் பொருள்களுக்கும் இடையில் எவ்வளவு விலை வேறுபாடு இருக்கிறது? இவற்றுக்குப் பின்னால் உள்ள வாய்ப்புகள், கணக்கீடுகள், அணுகுமுறைகள், மனநிலைகள் என்னென்ன? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
அருட்பெருஞ்சோதி தனிப்பெருங்கருணை என்ற அமுத வாசகத்தை அருளிய வடலூர் வள்ளல் பெருமான், இராமலிங்க அடிகள் இயற்றிய 'வானத்தின் மீது மயிலாடக் கண்டேன்' என்ற வானளாவிய புகழ்பெற்ற பாடலை, கிருஷ்ணகுமார் குரலில் கேளுங்கள்.
மாமியாருக்கும் மருமகளுக்கும் நிகழும் சண்டைகள் குறித்து நிறையப் படித்திருக்கிறோம், கேட்டிருக்கிறோம், பார்த்திருக்கிறோம். எப்படிச் சண்டை ஆரம்பிக்கிறது? இதில் கணவன் என்ன செய்ய வேண்டும்? சண்டையைத் தீர்ப்பது எப்படி? தவிர்ப்பது எப்படி? ஆலோசனை வழங்குகிறார் எழுத்தாளர் நிர்மலா ராகவன். இந்த உரையாடலைப் பார்த்துப் பயன்பெறுங்கள், உங்கள் நண்பர்களுக்கும் பகிருங்கள்.
உங்கள் குடும்பத்தில் அல்லது உங்கள் நண்பர்கள் குடும்பத்தில் ஏதும் சிக்கல் இருந்தால், நீங்கள் அதுகுறித்து நிர்மலா ராகவனிடம் இலவச ஆலோசனை பெறலாம். உங்கள் கேள்விகளை இந்தப் பதிவிற்கு மறுமொழியாக இடலாம். அல்லது, annakannan@yahoo.co.in என்ற முகவரிக்கு மின்னஞ்சல் அனுப்பலாம். உங்கள் இல்லத்திலும் உள்ளத்திலும் மகிழ்ச்சி பெருகட்டும்.
St Pancras railway station, also known as London St Pancras or St Pancras International and officially since 2007 as London St Pancras International, is a central London railway terminus on Euston Road in the London Borough of Camden (Wikipedia). Video by Navya.
நாம் வாங்க விரும்பும் ஒரு பொருளை எந்த அடிப்படையில் தேர்ந்தெடுப்பது? பிராண்டு, விலை, சலுகை, வழக்கம், தரம், அழகு, சந்தைப்படுத்தல்... எனப் பல காரணங்கள் இருக்கையில் நுகர்வோர் இவற்றில் எதை முக்கியமாகக் கொள்ள வேண்டும்? இதே போன்று அந்தப் பொருளை வீட்டுக்கு அருகில் உள்ள சிறிய கடையில் வாங்குவதா? பேரங்காடிகளில் வாங்குவதா? அல்லது இணையத்தில் வாங்குவதா? உள்நாட்டுப் பொருளா? வெளிநாட்டுப் பொருளா? எது நுகர்வோரின் முன்னுரிமையாக இருக்கலாம்? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் தமது கருத்தை முன்வைக்கிறார். உங்களுக்கு ஏதும் ஐயம் இருந்தால் கேளுங்கள்.
நம்ம ஊர்க் கடைகளில் அடிக்கடி தென்படும் டிராகன் புரூட், கண்ணைக் கவர்ந்தது. இன்று அதை வாங்கி வந்தோம். உள்ளே எப்படி இருக்கு, இதன் சுவை எப்படி இருக்கு எனப் பார்க்கலாமா?
தமிழர் பலரும் மறந்துவிட்ட தவலை வடையைச் செய்வது எப்படி? இதோ செய்து காட்டுகிறார், சுதா மாதவன். உங்கள் வீட்டில் செய்து பாருங்கள். உங்கள் கருத்துகளைப் பகிருங்கள். படப்பதிவு, சகஸ்ரா அஜய்.
மகாகவி பாரதியாரின் நினைவு நூற்றாண்டில் அவர் இயற்றிய பாடல்களைத் தொடர்ந்து இசைப்பாடலாக வலையேற்றி வருகிறோம். இதோ, அவரது அழியாப் புகழ்பெற்ற அமர கீதம், 'தீராத விளையாட்டுப் பிள்ளை'. மாயக் கண்ணனின் லீலா விநோதங்களை அனுபவித்துக் கொண்டாடுகிறார் பாரதியார். வண்ணமயமான இந்தப் பாடலைக் கிருஷ்ணகுமார் குரலில் கேட்டு மகிழுங்கள்.
நைஜீரியாவில் வளரக்கூடிய Fluted pumpkin என்ற காய் வகை இது. இதன் இலைகள், புற்றுநோயை எதிர்க்கக்கூடியவை. இதன் கொட்டைகளைச் சமையலுக்குப் பயன்படுத்துகிறார்கள். இதைப் பற்றி, நைஜீரியாவிலிருந்து என் தம்பி கூறுவதைப் பாருங்கள்.
இங்கிலாந்தில் ஆக்ஸ்போர்டு பல்கலைக்கழகம் அமைத்துள்ள அஷ்மோலியன் அருங்காட்சியகத்தின் உள்ளே ஒரு வலம் வரலாம் வாருங்கள். இது, கலை மற்றும் தொல்லியல் துறைக்கான சிறப்பு அருங்காட்சியகம் ஆகும். ஏராளமான அரும்பொருள்களைச் சிறப்பாகப் பேணிக் காத்து வருகிறது. 'இதில் இருக்கும் திருமங்கை ஆழ்வார் சிலை, தமிழ்நாட்டில் ஒரு கோவிலிலிருந்து திருடப்பட்டது. எனவே அதைத் திருப்பித் தர வேண்டும்' என்று கடந்த ஆண்டு இந்திய அரசு இந்த அருங்காட்சியத்தைக் கேட்டுக்கொண்டது குறிப்பிடத்தக்கது.
The Ashmolean Museum of Art and Archaeology, Oxford, England, is the world's second university museum (after the establishment of the Kunstmuseum Basel by the University of Basel, Switzerland, in 1661) and Britain's first public museum.
ஓவியர் ஜெயராஜ், தமிழ் இதழுலகில் தடம் பதித்த சித்திரக்காரர். சிறுகதைகள், தொடர்கதைகள், படக்கதைகள், புத்தகங்கள், பாடநூல்கள்... என 64 ஆண்டுகளாகப் பல்லாயிரம் ஓவியங்களைப் படைத்து அளித்துவருகிறார். தமக்கெனத் தனிப் பாணி, முத்திரையுடன் எழில் குலுங்கும், இளமை ததும்பும் ஓவியங்களைத் தீட்டி வருகிறார். சுஜாதாவின் கணேஷ் - வசந்த், பாக்கியம் ராமசாமியின் அப்புசாமி - சீதாப்பாட்டி எனப் பல பாத்திரங்களை வாசகர்கள் மனத்தில் பளிச்சென அமர வைத்தவர். 84 வயதுடைய மூத்த ஓவியர் ஜெயராஜ் அவர்களை இளம் ஓவியர் ஸ்யாம் சந்தித்து உரையாடுகிறார். இந்தக் கலகலப்பான உரையாடலைப் பார்த்து மகிழுங்கள்.
எங்கெங்கு காணினும் இலவசம் என்ற சூழலில் இருக்கிறோம். இலவசம், தள்ளுபடி, பரிசு, ஆஃபர்... என்று விதவிதமான பெயர்களில் இதைக் காண்கிறோம். உண்மையில் இலவசம் என்பது இலவசமா? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
அலைபேசியில் மாயமான்கள், மோசடி அழைப்புகள், வலைவிரிப்புகள் அதிகரித்த வண்ணம் உள்ளன. இவற்றை எதிர்கொள்வது எப்படி? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
தமிழ்நாட்டில் 15 ஆண்டுகளாக வசிக்கும் உத்தரப்பிரதேசத் தொழிலாளி மகேஷ்ராஜ், உ.பி.யை விட, இதர மாநிலங்களை விடத் தமிழ்நாடு நல்லா இருக்கு, இங்கு வேலை கிடைக்கிறது, நல்ல சம்பளம் கிடைக்கிறது என்கிறார். இவருடன் சென்னை தாம்பரத்தில் இன்று ஓர் உற்சாகமான உரையாடல்.
அச்சிலும் இணையத்திலும் செல்பேசிகளிலும் விதவிதமான வசனங்களைப் பார்க்கிறோம். வாழ்த்துச் செய்தி, மேற்கோள் செய்திகள் தொடங்கி, அறிவிப்புகள், விளம்பரங்கள், பத்திரிகைகள், நூல்கள், பதாகைகள்... என ஏராளமான வகைகளில் எழுத்துகளையும் வார்த்தைகளையும் பார்க்கிறோம். அவற்றில் ஏதேனும் ஒன்றை நாமும் பயன்படுத்த விரும்புவோம். ஆனால், அதில் இடம் பெற்றிருப்பது எந்த எழுத்துரு என எப்படி அறிவது? இதோ ஒரு வழிகாட்டி.
முன்-ஒப்புதலுடன் கூடிய கடன்கள் எப்படி, யாருக்கு, எந்த அடிப்படையில் வழங்கப்படுகின்றன? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
சென்னை நுங்கம்பாக்கத்தில் உள்ள வசந்த பவன் விபி சிக்னேச்சர் (VB Signature) என்ற உயர்தர சைவ உணவகத்தில் நாங்கள் குடும்பத்துடன் சென்று உணவருந்தினோம். உணவகம் எப்படி? உணவுகள் எப்படி? இதோ எங்கள் அனுபவம்.
1967இல் கூட்டுறவு வங்கி சார்பில் நடைபெற்ற திருவள்ளுவர் படத்திறப்பு விழாவில், வள்ளுவர் படத்தைத் திறந்து வைத்து, பேரறிஞர் அண்ணா ஆற்றிய சமத்காரமான உரை இங்கே. நண்பர்கள் கேட்டு மகிழுங்கள். நல்ல சமயமிது, நழுவவிடக் கூடாது.
உலகம் முழுவதும் 29 நாடுகளில் சரவண பவன் கிளைகள் அமைந்துள்ளன. சிங்கப்பூரில் மட்டும் பத்து இடங்களில் சரவண பவன் கிளைகள் அமைந்திருந்தன. இந்தப் பொதுமுடக்கக் காலத்தில், இவற்றுள் ஆறு கிளைகள் மூடப்பட்டுள்ளன. சிங்கப்பூர் ராபின்சன் சாலையில் அமைந்திருந்த சரவண பவன் கிளைக்கு 2002இல் சென்றபோது எடுத்த காட்சிகள் இங்கே.
வங்கிகள், மின்னங்காடிகள், சந்தைகள், நிறுவனங்கள் எனப் பலவற்றிலும் ஜீரோ வட்டி (Zero cost EMI / No cost EMI) எனப் பார்க்கிறோம். உண்மையிலேயே இந்தக் கடன்களுக்கு வட்டி இல்லையா? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார். உங்களுக்கு ஏதும் ஐயம் இருந்தால் கேளுங்கள்.
தாம்பரம் வீதிகளில் குதிரைகளைக் காண முடிகிறது. நம் வீட்டருகே திரிந்த குதிரைக் குட்டியையும் அதன் குடும்பத்தையும் இங்கே காணலாம். இந்தக் குதிரைக் குட்டி, தலையைச் சிலுப்புவதையும் கனைப்பதையும் தாயிடம் பால் குடிப்பதையும் ஓடி விளையாடுவதையும் இந்தப் பதிவில் காணலாம்.
குரோம்பேட்டையை அடுத்த தி.நகர் என அழைக்கும் வகையில், சரவணா ஸ்டோர்ஸ், தி சென்னை சில்க்ஸ், போத்தீஸ் உள்ளிட்ட பிரபல நிறுவனங்கள் பலவும் இங்கே பிரமாண்டமாகக் கடை திறந்துள்ளன. அனைத்திலும் மக்கள் கூட்டம் நிறைந்துள்ளது. இங்கே 360 பாகைப் பார்வையில் இந்த மூன்று கடைகளையும் இன்ன பிற கடைகளையும் நீங்கள் பார்க்கலாம்.
கவிஞர்; இதழாளர்; ஆய்வாளர்; 20 நூல்களின் ஆசிரியர்; இவரது இரு கவிதைகள், 32 மொழிகளில் மொழிபெயர்க்கப்பட்டுள்ளன. 'தமிழில் இணைய இதழ்கள்' என்ற தலைப்பில் இளம் முனைவர் பட்டமும் 'தமிழில் மின்னாளுகை' என்ற தலைப்பில் முனைவர் பட்டமும் பெற்றவர். யாஹூ!, வெப்துனியா, தமிழ் சிஃபி, சென்னை ஆன்லைன், அமுதசுரபி இதழ்களின் முன்னாள் ஆசிரியர்.
இண்டஸ், பிளிப்கார்ட், கூகுள் நிறுவனங்களுக்காகப் பணியாற்றியவர். வல்லமை மின்னிதழின் நிறுவனர்.
Posts
